رەسەي ارميياسى ۋكراينادا "باياۋ ٸلگەرٸ جىلجىپ كەلەدٸ", بٸراق قازٸردٸڭ ٶزٸندە ٷلكەن شىعىنعا ۇشىرادى. 26 مامىردا اقش قورعانىس مينيسترلٸگٸنٸڭ جوعارى لاۋازىمدى ٶكٸلٸ وسىلاي دەپ مەلٸمدەدٸ. بۇل تۋرالى ازاتتىق جازادى.
اتى-جٶنٸ اتالۋىن قالاماعان شەنەۋنٸكتٸڭ بولجامىنا قاراعاندا, ۋكراين جاۋىنگەرلەرٸ ەزٸرگە "قاتتى قارسىلىق كٶرسەتٸپ جاتقانىمەن", رەسەي ۋكراينا قارۋلى كٷشتەرٸنە, دونباستاعى تٷرلٸ نىساندار مەن قالالارعا اۋىر سوققى جاساپ جاتىر.
پەنتاگون ٶكٸلٸ ۋكراين ارميياسىنىڭ "حاركوۆ تٶڭٸرەگٸندە ەجەپتەۋٸر نەتيجەگە جەتكەنٸن", رەسەي 90 كٷن بويى باقىلاۋدا ۇستاعان بٸرقاتار اۋماقتى قايتارىپ العانىن اتاپ ٶتتٸ.
اقش قورعانىس مينيسترلٸگٸنٸڭ مەلٸمەتٸنشە, رەسەي ارميياسى سوعىس باستالعالى بەرٸ كەم دەگەندە 1000 تانك, 36 ۇشاق جەنە 50-دەن اسا تٸكۇشاقتان ايىرىلعان, دەگەنمەن ونىڭ ۋكراينا قارۋلى كٷشتەرٸنە قاراعاندا تەحنيكاسى مەن جاۋىنگەرٸ ەلدەقايدا كٶپ. امەريكالىق ەسكەريدٸڭ ايتۋىنشا, قازٸر ۋكراينادا رەسەيدٸڭ 110 باتالون-تاكتيكالىق توبى ورنالاسقان, ولار سلاۆيانسك جەنە كراماتورسك باعىتىندا ەجەپتەۋٸر ٸلگەرٸ جىلجي الدى.
پەنتاگون شەنەۋنٸگٸ رەسەي قورعانىس مينيسترلٸگٸنٸڭ 50 جاستان اسقان ەر ازاماتتارعا ەسكەرگە بارۋعا رۇقسات بەرگەنٸن دە ايتتى. "مەسكەۋ مايدانعا قوسىمشا كٷش تارتۋدىڭ تٷرلٸ امالىن ٸزدەپ جاتىر", - دەدٸ امەريكالىق شەنەۋنٸك.
