تانىمال يمام نۇرلان بايجٸگٸتۇلى تٸكەلەي ەفيردە وقىرمان سۇراعىنا جاۋاپ بەرەمٸن دەپ سىننىڭ استىندا قالدى. جەلٸ قولدانۋشىسى يمامنان ٶزٸنەن 8 جاسقا ٷلكەن قىزعا ٷيلەنگٸسٸ كەلەتٸنٸن ايتىپ, كەڭەس سۇراعان ەدٸ.
"اپالارعا ٷيلەنۋ سەنگە اينالدى. “پەنسيونەر” قىزدارعا ٷيلەنبەڭدەر! ٷلكەن قىزعا ٷيلەنۋ جاقسى تەندەنتسييا ەمەس. ادام سيياقتى پەنسيياسىن الىپ, قارتايسىن. ولاردىڭ مازاسىن الماڭدار! قانداي ماحاببات بولسا دا, دٷنيەنٸ قىرىپ بارا جاتسا دا, بۇل دۇرىس ەمەس. بەرٸبٸر ول ساعان ەيەل, سەن وعان كٷيەۋ بولا المايسىڭ. "تەڭ تەڭٸمەن, تەزەك قابىمەن" دەگەن سٶز بار. سوندىقتان ٷلكەن قىزداردىڭ جٷرەگٸن اۋىرتپاڭىزدار! 10-15 جىلدان كەيٸن جاس ايىرماشىلىعى كٶرٸنە باستايدى. ٶزٸڭنەن كٸشكەنتاي قىزعا ٷيلەنگەنٸڭ دۇرىس", – دەپ كەڭەس بەردٸ يمام.
جەلٸ قولدانۋشىلاردىڭ پٸكٸرٸ ەكٸگە بٶلٸندٸ. بٸرٸ يمامنىڭ سٶزٸن قولداسا, ەكٸنشٸسٸ “قىزداردى مازاق قىلۋ” دەپ سٶكتٸ.
“دٷمشە مولدا دٸن بۇزار دەگەن وسى ەكەن عوي”, “پەنسيونەر” دەپ مازاق ەتكەنٸ دۇرىس بولمادى”, “يمام وسىلاي دەپ تۇرسا, باسقادان نە كٷتەسٸڭ”, “كەرٸ قىزداردىڭ نامىسىنا تيمەڭٸز” دەپ جازىپ جاتىر وقىرمان قاۋىم.
