پاۆلودار وبلىسىندا ۆاكتسينا الماعان قىزمەت كٶرسەتۋ ۇيىمدارى مەن جۇمىسكەرلەرٸنە ايىپپۇل سالىنادى, دەپ حابارلايدى Pavlodarnewskz.
بۇل تۋرالى ونلاين ٶتكەن باسپاسٶز جيىنىندا پاۆلودار وبلىسىنىڭ سانيتارلىق-ەپيدەميولوگييالىق باقىلاۋ دەپارتامەنتٸنٸڭ باسشىسى باتىربەك ەليەۆ مەلٸم ەتتٸ.
- كۆي-دٸڭ ودان ەرٸ تارالۋىنىڭ الدىن الۋ ٷشٸن 1 شٸلدەدەدەن باستاپ ەلٸمٸزدٸڭ باس سانيتارلىق دەرٸگەرٸنٸڭ قاۋلىسى شىقتى. قاۋلى بويىنشا قىزمەت كٶرسەتۋ سالاسىداعىلار ۆاكتسينا قابىلداۋعا مٸندەتتەلدٸ. 15 شٸلدەگە دەيٸن ۆاكتسينانىڭ 1-كومپونەنتٸمەن, 15 تامىزعا دەيٸن 2-كومپونەنتٸمەن ەگٸلۋٸ تيٸس, - دەدٸ باتىربەك ەليەۆ.
- ۆاكتسينا قابىلداماعاندارعا ايىپپۇل سالىنادى. بۇل ەكٸمشٸلٸك قۇقىق بۇزۋشىلىق كودەكسٸ بويىنشا قاراستىرىلادى. جەكە ادامدارعا 5 ايلىق ەسەپتٸك كٶرسەتكٸش مٶلشەرٸندە, ال, ۇيىمدارعا سالىناتىن ايىپپۇل 500 اەك مٶلشەرٸنە دەيٸن جەتەدٸ, - دەدٸ باتىربەك ەليەۆ.
وبلىستىڭ باس سانيتارلىق دەرٸگەرٸنٸڭ ايتۋىنشا, قىزمەت كٶرسەتۋ سالاسىنىڭ مەكەمەلەرٸندەگٸ ۆاكتسينالاۋعا بايلانىستى مونيتورينگ توپتارى تەكسەرۋ جٷرگٸزۋٸ مٷمكٸن.
