پاۆلودار وبلىسىنىڭ باس سانيتار دەرٸگەرٸ ٶنەركەسٸپ كەسٸپورىندارىنىڭ ۆاكتسينا الماعان قىزمەتكەرلەرٸن شتاتتىق جۇمىسقا جٸبەرمەۋ تۋرالى قاۋلى شىعاردى, دەپ حابارلايدى قازاقپارات.
«ٶنەركەسٸپ كەسٸپورىندارىنىڭ COVID-19-عا قارسى ۆاكتسينا الماعان جۇمىسكەرلەرٸن كٷندٸزگٸ رەجيمدە جۇمىسقا جٸبەرۋ شەكتەلسٸن. بۇل رەتتە ۇيىمدارىڭ ەكپە الماعان قىزمەتكەرلەرٸنە 7 كٷندە بٸر رەت پتر-تەستٸ تاپسىرۋعا مٸندەتتەلسٸن», - دەپ جازىلعان قاۋلى مەتٸنٸندە.
ٶڭٸرلٸك باس سانيتاردىڭ مۇنداي شەشٸم قابىلداۋى قر باس سانيتار دەرٸگەرٸنٸڭ №38 قاۋلىسىنا سەيكەس كەلەدٸ.
«وسى قاۋلىنىڭ 1-تارماعىنىڭ 1) تارماقشاسىنا ەنگٸزٸلمەگەن ۇيىمداردىڭ/وبەكتٸلەردٸڭ COVID-19-عا قارسى ۆاكتسينا الماعان جۇمىسكەرلەرٸن كٷندٸزگٸ رەجيمدە جۇمىسقا جٸبەرۋدٸ شەكتەۋ تۋرالى شەشٸمدٸ قالىپتاسقان ەپيدەميولوگييالىق جاعدايعا بايلانىستى ٶڭٸرلٸك جەدەل شتابتار قابىلدايدى», - دەپ جازىلعان ول قاۋلىدا.
