پاۆلودار وبلىسىنىڭ باس سانيتار دەرٸگەرٸنٸڭ جاڭا قاۋلىسى شىقتى, دەپ حابارلايدى "ۇلت اقپارات".
جاڭا قاۋلىدا بٸرقاتار ورىنداردىڭ قىزمەتٸنە تىيىم سالۋ تۋرالى شەشٸم شىعارىلعان. اتاپ ايتساق, كاراوكە, قورقور, بۋكمەكەر كەڭسەلەرٸ, بيليارد زالدارى, ويىن كلۋبتارى, كلۋبتار, بوۋلينگ ورتالقتارى سيياقتى ويىن-ساۋىق مەەكەمەلەرٸنە, سونداي-اق, تەاتر, كينوتەاتر, كونتسەرت زالدارى سيياقتى مەدەني كٶپشٸلٸك ورىنداردىڭ جۇمىسىنا تىيىم سالىنعان.
ال بالالار ساۋىقتىرۋ لاگەرلەرٸنٸڭ قىزمەتٸنە 30 پايىزعا دەيٸنگٸ جٷكتەمەمەن رۇقسات بەرٸلدٸ.
«مەكتەپكە دەيٸنگٸ مەكەمەلەردٸڭ كەزەكشٸ توپتارىنڭ قىزمەتٸنە بالا سانىن 25-تەن اسىرماۋ تالابىمەن رۇقسات بەرٸلسٸن», - دەپ جازىلعان قاۋلى مەتٸنٸندە.
ال مەشٸت, شٸركەۋ, سوبور, سيناگوگا سيياقتى دٸني مەكەمەلەردە بٸر ادامعا 4 شارشى مەتر ورىن ساقتاي وتىرىپ ۇجىمدىق دٸني شارالار ٶتكٸزۋگە بولادى.
ساۋدا ورتالقتارىنىڭ, ساۋدا ٷيلەرٸ مەن جەلٸلەرٸنٸڭ, Ashyk جوباسىنا قاتىسپايتىن ازىق-تٷلٸك دٷكەندەرٸ مەن دەرٸحانالاردىڭ, سۇلۋلىق سالوندارى مەن سابىن بۇيىمدارىن ساتاتىن ورىنداردىڭ, ٷي جاۋنارلارى ٶنٸمدەرٸن ساتاتىن دٷكەندەردٸڭ, بٸلٸم بەرۋ ٷيٸرمەلەرٸنٸڭ قىزمەتٸنە كٷشەيتٸلگەن دەزينفەكتسييالىق تالاپتاردى ساقتاي وتىرىپ, ساعات 10.00 دەن 22.00-گە دەيٸن جۇمىس ٸستەۋٸنە رۇقسات ەتٸلەدٸ. الايدا سەنبٸ, جەكسەنبٸ كٷندەرٸ اتالمىش نىسانداردىڭ جۇمىسىنا تولىقتاي شەكتەۋ قويىلادى. بۇل شەكتەۋ ۆاكتسينالاۋ بەكەتتەرٸ ورنالاسقان ساۋدا ٷيلەرٸنە جٷرمەيدٸ.
ازىق-تٷلٸككە جاتپايتىن جەنە ازىق-تٷلٸك تاۋارلارىن ٶتكٸزەتٸن بازارلاردىڭ جۇمىسىنا بٸر ادامعا 4 شارشى مەتر ورىن ساقتالعان جاعدايدا جۇمىس ۋاقىتىن شەكتەمەي رۇقسات بەرٸلگەن.
سۋپەرماركەت پەن گيپەرماركەت تە وسىنداي تالاپپەن جۇمىس ٸستەۋگە جول اشىلدى.
«قوعامدىق تاماقتانۋ نىساندارىنڭ قىزمەتٸنە جۇمىس ۋاقىتىن ساعات 9.00-دەن 20.00-گە دەيٸن شەكتەي وتىرىپ, جەتكٸزۋ, الىپ كەتۋ رەجيمٸن ساعات 9.00-دەن 22.00-گە شەكتەي وتىرا رۇقسات ەتٸلسٸن», - دەپ جازىلعان قۇجاتتا.
اسحانا تيپٸندەگٸ تاماقتانۋ ورىندارىنا ساعات 9.00-دەن 24.00-گە تولىمدىلىعى 50 پايىزعا دەيٸن, عيمارات ٸشٸندەگٸ ورىنداردى 30-دان اسىرماي, ٷستەلدەر اراسىندا 2 مەتر قاشىقتى قالدىرا وتىرىپ, ۇجىمدىق, وتباسىلىق جەنە باسقا دا بۇقارالىق شارالار ٶتكٸزۋگە شەكتەۋ قويۋ ارقىلى جۇمىس ٸستەۋگە رۇقسات ەتٸلدٸ.
