نۇر-سۇلتاندا جاسٶسپٸرٸم جالعىز ٶزٸ جەتٸنشٸ قاباتتىڭ تەرەزەسٸنەن قاراپ تۇرعان سەبيدٸ قۇتقارىپ قالدى, - دەپ حابارلايدى Tengrinews.kz.
وقيعا 13 شٸلدەدە كەشكە "شەرقالا" تۇرعىن ٷي كەشەنٸندە بولعان. بۇل تۋرالى كۋەگەرلەر ەلەۋمەتتٸك جەلٸدە ايتىپ بەردٸ.
"ەكٸ جاس شاماسىنداعى بالا تەرەزەدەن قۇلاپ كەتە جازدادى. بٸر ساعات بويى پەتەرگە كٸرە المادىق. ولار (پوليتسييا - ەسك.) جاساق شاقىردى. كٶپبالالى وتباسىنان شىققان جٸگٸت قۇتقارۋعا كەتتٸ. ول 17 جاستا, ٶزٸ دە قۇلاپ كەتە جازدادى. جارادى, ناعىز ەر. بۇل جاعداي بارلىعىنا ساباق بولسىن. اتا-انالار بالالارىڭىزعا قامقور بولىڭىزدار. تەرەزەلەرگە تور قويىڭىز", - دەلٸنگەن جازبا سيپاتتاماسىندا.
كادرلاردا جٸگٸت بٸر پەتەر تەرەزەسٸنەن كەلەسٸ پەتەر تەرەزەسٸنە ٶتكەنٸ كٶرسەتٸلگەن. ول موسكيت تورىن الىپ, پەتەرگە تەرەزەدەن كٸرەدٸ.
وقيعادان كەيٸن كٶرشٸلەرٸ 17 جاستاعى جٸگٸتتٸڭ كٶپبالالى وتباسىنان شىققانىن بٸلگەن.
