فوتو: ٶزبەكستان پرەزيدەنتٸ باسپاسٶز قىزمەتٸ
تاشكەنت وبلىسىندا جاڭا حالىقارالىق ەۋەجايدىڭ قۇرىلىسى رەسمي تٷردە باستالدى. بۇل تۋرالى ٶزبەكستان پرەزيدەنتٸ شاۆكات ميرزييوەۆتٸڭ instagram پاراقشاسىندا مەلٸمدەدٸ, دەپ حابارلايدى Ult.kz.
جوبانىڭ ٸسكە قوسىلۋىنا ٶزبەكستان پرەزيدەنتٸ شاۆكات ميرزييوەۆتٸڭ ٶزٸ قاتىسىپ, نىساننىڭ ەل كٶلٸك ينفراقۇرىلىمىن تٷبەگەيلٸ جاڭارتاتىنىن ايتتى.
frank.uz دەرەگٸنشە ەۋەجاي تاشكەنت وبلىسىنىڭ ۋرتaچيرچيك جەنە قۋيىچيرچيك اۋداندارىنىڭ اۋماعىندا بوي كٶتەرەدٸ. قۇرىلىسقا ارنالعان جالپى جەر كٶلەمٸ 1 309 گەكتاردان اسادى: ونىڭ 790 گەكتارى – ۋرتaچيرچيك اۋدانىندا, ال 519 گەكتارى – قۋيىچيرچيك اۋدانىندا ورنالاسقان .
جاڭا ەۋەجايدىڭ بٸرٸنشٸ كەزەڭٸ جىلىنا 20 ميلليون جولاۋشىنى قابىلداۋعا قاۋقارلى بولادى. سونداي-اق جىل سايىن 129 مىڭ توننا جٷك ٶڭدەۋ جوسپارلانىپ وتىر. ينفراقۇرىلىمدىق قۋات تۇرعىسىنان ەۋەجاي ساعاتىنا 30 ۇشۋ-قونۋ وپەراتسيياسىن اتقارا الادى. بٸر مەزگٸلدە 62 ۇشاققا دەيٸن تۇراقتاۋعا مٷمكٸندٸك بەرەتٸن پەررون سالىنادى.
ەۋەجايعا اپاراتىن جولدار تاشكەنت – سامارقاند, تاشكەنت – انديجان جەنە تاشكەنت – بوستانلىق باعىتتارىن بٸرٸكتٸرەتٸن بولادى. سونىمەن قاتار جولاۋشىلار ٷشٸن جوعارى جىلدامدىقتاعى تەمٸرجول ستانتسيياسى مەن شاتتل-اۆتوبۋستار جٷيەسٸ قاراستىرىلعان.
جوبانىڭ العاشقى كەزەڭٸنە شامامەن 2,5 ميلليارد دوللار بٶلٸنەدٸ. قۇرىلىس جۇمىستارىن حالىقارالىق كونسورتسيۋم جٷزەگە اسىرادى. ونىڭ قۇرامىنا Vision Invest (ساۋد ارابيياسى), Sojitz (جاپونييا) جەنە Incheon International Airport Corporation (وڭتٷستٸك كورەيا) كومپانييالارى ەنگەن.
ەۋەجاي قۇرىلىسى «جاسىل قۇرىلىس» قاعيدالارىنا ساي جٷرگٸزٸلەدٸ. بۇل باعىتتا ەكولوگييالىق ستاندارتتار كٷشەيتٸلٸپ, ەنەرگييا ٷنەمدەيتٸن تەحنولوگييالار ەنگٸزٸلمەك دەپ وتىر ٶزبەكستان باسىلىمدارى.
سونىمەن قاتار تەرمينال اۋماعىندا 14 تەلەسكوپييالىق تراپ, 46 مىڭ شارشى مەتر duty-free ايماعى, زاماناۋي مەتەو جەنە ناۆيگاتسييالىق جٷيەلەر ورناتۋ جوسپارلانعان.
جاڭا حالىقارالىق ەۋەجايدىڭ تولىق ٸسكە قوسىلۋى 2030 جىلعا دەيٸن جوسپارلانىپ وتىر. ەزٸرگە نىساننىڭ العاشقى قۇرىلىس كەزەڭٸ باستالىپ, ينجەنەرلٸك دايىندىق جۇمىستارى جٷرگٸزٸلۋدە.
