دەنساۋلىق ساقتاۋ مينيسترلٸگٸنٸڭ مەلٸمەتٸنشە, ٶزبەكستاندا تەۋلٸك بويى 84 ادام كوروناۆيرۋس جۇقتىرعان. قازٸردە ناۋقاستاردىڭ جالپى سانى 2939 كٸسٸگە جەتتٸ, دەپ جازادى ٶزا.
بٷگٸنگٸ جاڭادان ۆيرۋس جۇقتىرعان ناۋقاستاردىڭ 44 - شەتەلدەن كەلگەن ازاماتتار, 40 - كارانتيندە بولعان ازاماتتار.
سونداي-اق بٷگٸن 34 ازامات ٸندەتتەن ساۋىعىپ اۋرۋحانادان شىققان. ولاردىڭ قاتارى 2372 كٸسٸگە جەتٸپ, 13 كٸسٸ قازا بولعان. قازٸردە رەسپۋبليكالىق اۋرۋحانالاردا 554 ناۋقاس دەرٸگەرلەر باقىلاۋىندا قالعان. ونداعى 6 اۋرۋ جاننىڭ جاعدايى اۋىر.
ەسكە سالار كەتسەك, ٶزبەكستاندا العاشقى كوروناۆيرۋس ٸندەتٸ 15 ناۋرىزدا تٸركەلگەن ەدٸ. ناۋقاس 11 ناۋرىزدا پاريجدەن ورالعان تاشكەنتتٸك دەرٸگەر بولاتىن.
