ٶسكەمەن قالاسىندا پوليتسييا قىزمەتكەرلەرٸ جوعالعان 7 جاسار قىزدى تاپتى, دەپ حابارلايدى قازاقپارات.
قالالىق پوليتسييا باسقارماسى باسپاسٶز قىزمەتٸنٸڭ مەلٸمەتٸنە سٷيەنسەك, ەرتٸس پوليتسييا بٶلٸمٸنە 35 جاستاعى قالا تۇرعىنى جٷگٸنگەن. ٶز سٶزٸندە ول مەكتەپتەن شىققان 7 جاسار قىزىنىڭ ٷيگە كەلمەگەندٸگٸن جەتكٸزٸپ, ٸزدەۋ جارييالاۋدى سۇرادى.
«جەدەل تەرگەۋ توبى وقيعا ورنىنا شۇعىل جەتٸپ, ٸزدەستٸرۋ جۇمىستارىنا كٸرٸستٸ. بٸر ساعات ٸشٸندە پوليتسييا قىزمەتكەرلەرٸ جوعالعان قىزدىڭ ورنالاسقان جەرٸن انىقتادى. ول اۋلادا بالالارمەن ويناپ جٷرگەن. قازٸرگٸ ۋاقىتتا وقۋشى امان-ەسەن اتا-اناسىنا تابىستالدى», - دەدٸ باسقارما باستىعى اندرەي مۋلا.
ٶز كەزەگٸندە قىزدىڭ اناسى جەدەل-ٸزدەستٸرۋ شارالارىنا قاتىسقان بارلىق تەرتٸپ ساقشىلارىنا العىس بٸلدٸردٸ.
