شقو پوليتسەيلەرٸ كاماز-دىڭ ماس جٷرگٸزۋشٸسٸن قۋىپ جٷرٸپ قولعا تٷسٸردٸ, دەپ حابارلايدى "ۇلت اقپارات" Polisia.kz-كە سٸلتەمە جاساپ.
اۆتوكٶلٸك جٷرگٸزۋشٸسٸ پوليتسييا قىزمەتكەرلەرٸنٸڭ زاڭدى تالاپتارىنا جاۋاپ بەرمەگەن. ول از بولعانداي, جٷرگٸزۋشٸ ارتىنان قۋعان پاترۋل ماشيناسىن قاعىپ, قيراتىپ كەتپەك بولدى. اقىر سوڭىندا تەرتٸپ ساقشىلارى جٷك ماشيناسىن توقتاتىپ, كٶلٸكتٸ تاستاي قاشقان جٷرگٸزۋشٸنٸ ۇستادى.
بٶلٸمشەدە پوليتسييا قىزمەتكەرلەرٸ 20 جاستاعى جٸگٸتتٸڭ ماس بولعانىن انىقتادى. سالوندا ولارمەن بٸرگە ەكٸ جولاۋشى بولعان. بٸرەۋٸ –قۇرداسى, ەكٸنشٸسٸ – 16 جاستاعى قىز. قىزىن تٷندە جالعىز جٸبەرٸپ قويعانى ٷشٸن تەرتٸپ ساقشىلارى اتا-اناسىنىڭ اتىنا ەكٸمشٸلٸك حاتتاما جاسادى. ال جٷرگٸزۋشٸگە قاتىستى بيلٸك ٶكٸلٸنە باعىنباعانى ٷشٸن سوتقا دەيٸنگٸ تەرگەۋ جٷرگٸزٸلۋدە.
