ورمان كٶلەمٸن ۇلعايتۋ ماقساتىندا پاۆلودار وبلىسىندا الداعى بەس جىلدا 74 ملن كٶشەت ەگٸلەدٸ. بۇل تۋرالى ٷكٸمەت وتىرىسىندا پاۆلودار وبلىسىنىڭ ەكٸمٸ ەبٸلقايىر سقاقوۆ مەلٸم ەتتٸ, دەپ حابارلايدى قازاقپارات.
ٷكٸمەت وتىرىسىندا ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ پاۆلودار وبلىسىنىڭ جول كارتاسى وتىز ٷش 33 تارماقتان تۇراتىنىن اتاپ ٶتتٸ.
وندا مىناداي ماڭىزدى ەكولوگييالىق ٸس-شارالار كٶزدەلگەن: «قازحروم» كەسٸپورىنىنداعى گازدان تازارتۋ جٷيەسٸن قايتا جاڭارتۋ جەنە 982 مىڭ توننا شلاكتى قايتا ٶڭدەۋ, «ەۋروازياتتىق ەنەرگەتيكالىق كورپوراتسيياسى» ەنەرگييا بلوگىن ەكولوگييالىق تەحنولوگييالارمەن جابدىقتاۋ, «قازاقستاننىڭ اليۋمينييٸ» كەسٸپورىنىنداعى گازدان تازارتۋ جٷيەسٸن قايتا جاڭارتۋ, كٶگالداندىرۋ, اينالمالى سۋمەن جابدىقتاۋدى ەنگٸزۋ جەنە جاڭادان 9 پوليگون سالۋ.
مينيستردٸڭ ايتۋىنشا, جالپى ٸس-شارالاردى ٸسكە اسىرۋدىڭ ارقاسىندا شاڭ شىعارىندىلارىنىڭ كٶلەمٸ كەمٸندە 30%-عا تٶمەندەيدٸ.
ٶز كەزەگٸندە پاۆلودار وبلىسىنىڭ ەكٸمٸ ەبٸلقايىر سقاقوۆ پاۆلودارداعى اليۋمينيي زاۋىتى ەكٸ ەلەكتر سٷزگٸنٸ يننوۆاتسييالىق گيبريدتٸك سٷزگٸگە اۋىستىرعانىن جەتكٸزدٸ. بۇل شاڭدى 2,4 مىڭ تونناعا ازايتۋعا مٷمكٸندٸك بەرگەن.
سونىمەن قاتار «قازاقستان-ەلەكتروليز» زاۋىتىنىڭ تسەحتارىندا سٷزگٸلەر اۋىستىرىلىپ جاتىر.
«ورمان كٶلەمٸن ۇلعايتۋدىڭ قادامدىق جوسپارى جاسالدى. بەس جىل ٸشٸندە 16,5 مىڭ گەكتارعا 74 ملن كٶشەت ەگٸلەدٸ. ودان باسقا بەس جىلدا 100 مىڭ اعاش ەگۋدٸ كٶزدەيتٸن قالالاردى كٶگالداندىرۋدىڭ كەشەندٸ ٶڭٸرلٸك باعدارلاماسى ەزٸرلەنۋدە. قوعامدىق تىڭداۋلاردى ونلاين فورماتتا ٶتكٸزۋدە حالىقتى كٶپتەپ تارتۋ ٶز ەسەرٸن تيگٸزدٸ. جىل باسىنان بەرٸ ٶڭٸردە 95 تىڭداۋ ٶتكٸزٸلدٸ. 2015 جىلدان باستاپ ەكولوگييالىق كەڭەس جۇمىس ٸستەيدٸ», - دەدٸ ول.
