ورالدا جەتٸ جاسار بالا ٷشٸنشٸ قاباتتان قۇلاپ كەتتٸ, دەپ حابارلايدى "ۇلت اقپارات".
بقو تٶتەنشە جاعدايلار دەپارتامەنتٸنٸڭ باسپاسٶز قىزمەتٸنەن تٷسكەن مەلٸمەتكە قاراعاندا, وقيعا 7 ماۋسىم كٷنٸ ساعات 21.06-دا زاچاگان كەنتٸندە بولدى.
بٸرلٸك كٶشەسٸ, 13-ٷيدە پەتەرلەردٸڭ بٸرٸندە اتا-اناسىنىڭ قاراۋىنسىز قالعان 2014 جىلى تۋعان بالا ٷشٸنشٸ قاباتتىڭ تەرەزەسٸنەن قۇلاپ كەتكەن. بۇل تۋرالى حابار ساعات 22.30-دا تٷسكەن.
«الدىن الا مەلٸمەت بويىنشا, جابىق باس-مي جاراقاتىن الىپ, ميى شايقالعان, وعان قوسا بۇعاناسى سىنىپ, كەۋدە تۇسى كٶگەرگەن بالا وبلىستىق كٶپبەيٸندٸ بالالار اۋرۋحاناسىنا جەتكٸزٸلدٸ. قازٸر تراۆماتولوگييا بٶلٸمشەسٸندە جاتىر, جاعدايى ورتاشا», - دەپ حابارلادى ۆەدومستۆودان.
جىل باسىنان بەرٸ ٶڭٸردە كٶپقاباتتى ٷيلەردٸڭ تەرەزەسٸنەن 5 بالا قۇلاپ, بٸرەۋٸ كٶز جۇمدى. بقو تج دەپارتامەنتٸ بالالاردى قاراۋسىز قالدىرماۋ كەرەكتٸگٸن اتا-انالاردىڭ ەسٸنە سالادى.
