ورالدا تۇرعىن ٷيدەگٸ ٶرتتەن 48 ادام ەۆاكۋاتسييالاندى, سونىڭ جەتەۋٸ - بالالار, دەپ حابارلايدى "ۇلت اقپارات".
بقو تج دەپارتامەنتٸنٸڭ باسپاسٶز قىزمەتٸنەن تٷسكەن مەلٸمەتكە قاراعاندا, وقيعا كەشە ساعات 23.50-دە گاگارين كٶشەسٸ 2/8 مەكەنجايىندا ورنالاسقان 9 قاباتتى ٷيدە ورىن الدى.
وسى ٷيدٸڭ 6-قاباتىنداعى 25-پەتەردە جەكە زاتتار مەن تەرەزە جاقتاۋى جانعان.
ٶرت سٶندٸرۋشٸلەر 34 ادامدى (جەتەۋٸ - بالالار) سىرتقا شىعارعان. 14 ادامدى قۇتقارۋشىلار ەۆاكۋاتسييالاعان.
«ٶرت بٷگٸن تٷنگٸ ساعات 00.20-دا سٶندٸرٸلدٸ», دەپ حابارلادى قازاقپارات تٸلشٸسٸنە دەپارتامەنتتٸڭ باسپاسٶز قىزمەتٸنەن.
ەسكە سالا كەتەيٸك, بۇدان بۇرىن بقو-دا مال ٸزدەۋگە شىققان تۇرعىنداردىڭ اداسىپ كەتكەنٸن جازعان بولاتىنبىز.
