ورالدا قاتارداعى جاۋىنگەر ٶزٸنە قارۋدان وق اتىپ, كٶز جۇمدى, دەپ حابارلايدى "ۇلت اقپارات".
قر ۇلتتىق ۇلانى «باتىس» ٶڭٸرلٸك قولباسشىلىعىنىڭ باسپاسٶز قىزمەتٸ مەلٸم ەتكەنٸندەي, قايعىلى وقيعا بٷگٸن, 16 ماۋسىمدا تاڭعى ساعات 5:30 شاماسىندا بولعان. بوزبالا جەدەل وبلىستىق كٶپبەيٸندٸ اۋرۋحاناعا جەتكٸزٸلگەنٸمەن, دەرٸگەرلەر ونىڭ ٶمٸرٸن ساقتاپ قالا المادى.
ەسكەري بٶلٸم باسشىلىعىنىڭ مەلٸمەتٸنشە, جٸگٸت ٶز-ٶزٸنە قول جۇمساعان. ول سول تٷنٸ تٷزەتۋ مەكەمەسٸندە كٷزەتتە بولعان.
"قارۋمەن ٶز-ٶزٸن جارالادى. ەسكەري قىزمەتشٸنٸ امان الىپ قالۋ مٷمكٸن بولمادى. قازٸر ەسكەري تەرگەۋ ورگاندارى تەرگەۋ جٷرگٸزۋدە. ەزٸرگە باسقا اقپارات بەرە المايمىز", - دەدٸ 5517 ەسكەري بٶلٸمٸ كومانديرٸنٸڭ ورىنباسارى جەنٸبەك سەرسەنوۆ.
مارقۇم – 2000 جىلعى اقتٶبە ٶڭٸرٸنٸڭ تۋماسى. قازٸر وقيعاعا قاتىستى تەرگەۋ امالدارى جٷرگٸزٸلٸپ جاتىر.
