ورال قالاسىندا سىناپقا ۇقساس بەلگٸسٸز زات تابىلدى, دەپ حابارلايدى "ۇلت اقپارات".
ورال قالاسى ەكٸمدٸگٸ مەلٸم ەتكەنٸندەي, وقيعا 2 ماۋسىم كٷنٸ جەلتاۋداعى (سۆيستۋن گورا) قالالىق زيرات اۋماعىندا بولدى.
قالالىق زيرات اۋماعىندا سالماعى 1 كەلٸدەي بەلگٸسٸز زاتتىڭ كٶمٸلگەنٸ انىقتالدى. الدىن الا مەلٸمەت بويىنشا المۇرت پٸشٸندەس ىدىستا (كونتەينەردە) ۋلىلىعى جوعارى سىناپ بولعان.
«بقو تج دەپارتامەنتٸ تابىلعان جەردٸ حيمييالىق ٶڭدەۋدەن ٶتكٸزدٸ. سانيتارلىق-ەپيدەميولوگييالىق ستانسا قىزمەتكەرلەرٸ سىناپ بۋىنىڭ اۋاداعى بٶلٸنۋٸن ٶلشەپ, ونىڭ قالىپتى مٶلشەردەن اسپاعانىن انىقتادى. ياعني ادامدار ٶمٸرٸنە قاۋٸپ جوق. تابىلعان ىدىس (كونتەينەر) جويىلعانعا دەيٸن ۋاقىتشا ساقتاۋ ٷشٸن بقو ەكولوگييا دەپارتامەنتٸنە بەرٸلدٸ. تٶتەنشە جاعدايلار جٶنٸندەگٸ كوميسسييانىڭ 3 ماۋسىمداعى كەزەكتەن تىس وتىرىسىنىڭ شەشٸمٸمەن جەرگٸلٸكتٸ جاعدايداعى تٶتەنشە جاعداي جارييالاندى. بۇل تابىلعان زاتتى تاسىمالداۋ جەنە جويۋ باعىتىندا شارالار قابىلداۋ ٷشٸن تيٸستٸ ٸس-شارا بولىپ تابىلادى», دەپ حابارلادى ۆەدومستۆودان.
