سۋرەت: pixabay
پاۆلودار وبلىسىنىڭ پروكۋراتۋراسى "قۋاتتى ٶڭٸرلەر - ەل دامۋىنىڭ درايۆەرٸ" ۇلتتىق جوباسىن ٸسكە اسىرۋ اياسىندا (ازاماتتاردى وڭتٷستٸك ايماقتاردان سولتٷستٸكتەگٸ حالقى از ەلدٸ مەكەندەرگە قونىستاندىرۋ) بٶلٸنگەن بيۋدجەتتٸك قاراجاتتى ۇرلاۋ فاكتٸلەرٸن انىقتادى, دەپ حابارلايدى "ۇلت اقپارات" پاۆلودار وبلىسىنىڭ پروكۋراتۋراسىنا سٸلتەمە جاساپ.
بيۋدجەت قاراجاتىن يەمدەنۋدٸڭ تۇتاس سحەماسى جاسالعان, ونىڭ ٸشٸندە شىعىننىڭ جارتىسىن الۋ ٷشٸن ٷيلەردٸڭ قۇنىن 8 ميلليون تەڭگەگە دەيٸن جاساندى تٷردە كٶتەرگەن (ٷي ساتىپ الۋ ٷشٸن 50% ٶتەلەدٸ, بٸراق 4,2 ميلليون تەڭگەدەن اسپايتىن). ٸس جٷزٸندە قاراۋسىز قالعان ٷيلەر 500 مىڭ تەڭگەدەن باستاپ ساتىپ الىنعان.
سالدارىنان قونىس اۋدارۋ تەك قاعاز جٷزٸندە عانا ورىندالادى, حالىق كٶشٸپ كەتكەندٸكتەن, وبلىستا 59 ەلدٸ مەكەن جويىلعان.
6 اۋداننىڭ ٶزٸندە 600 ملن تەڭگەگە شىعىن انىقتالعان.
پروكۋراتۋرا تەكسەرٸس ماتەريالدارىن قازاقستان رەسپۋبليكاسى قىلمىستىق كودەكسٸنٸڭ 190-بابى 4-بٶلٸگٸ بويىنشا سدتبت-دە تٸركەدٸ, تەرگەۋ امالدارىن ارنايى پروكۋرور جٷرگٸزٸپ جاتىر.
تەكسەرۋ جالعاسىپ جاتىر.
ايتا كەتەيٸك, جالپى بۇل جوبانى قارجىلاندىرۋدىڭ جالپى كٶلەمٸ - 7,6 ترلن تەڭگە.
