ەلوردا تٶرٸندە «ەن مەن كٷي ەلديلەيدٸ استانانى!» وڭتٷستٸك قازاقستان وبلىسىنان شىققان ەسترادا جۇلدىزدارىنىڭ گالا-كونتسەرتٸ ٶتتٸ. «ەكسپو-2017» حالىقارالىق مامانداندىرىلعان كٶرمەسٸنە ارنالعان وڭتٷستٸك قازاقستان وبلىسىنىڭ مەدەنيەت كٷندەرٸ اياسىندا استانا تۇرعىندارى مەن قوناقتارىنا قايرات نۇرتاس, جۇبانىش جەكسەنۇلى, التىناي جوراباەۆا, نۇرلان ٶنەرباەۆ, زاتتىبەك كٶپبوسىنۇلى, مارجان اراپباەۆا, يبراگيم ەسكەندٸر, ا.جايلاۋباەۆا سىندى ەلٸمٸزگە تانىمال ەسترادا جۇلدىزدارى ەننەن شاشۋ شاشتى, دەپ جازادى "ۇلت اقپارات" وقو ەكٸمٸنٸڭ باسپاسٶز قىزمەتٸنە سٸلتەمە جاساپ.
EXPO-2017 حالىقارالىق مامانداندىرىلعان كٶرمەسٸنٸڭ امفيتەاترىندا ٶتكەن شاراعا وڭتٷستٸك قازاقستان وبلىسىنىڭ əكٸمٸ جانسەيٸت تٷيمەباەۆ, «استانا ەكسپو-2017» ۇق» اق-ى باسقارماسىنىڭ تٶراعاسى احمەتجان ەسٸموۆ جəنە قر مəدەنيەت جəنە سپورت مينيسترٸ ارىستانبەك مۇحامەديۇلى, قر دەنساۋلىق ساقتاۋ مينيسترٸ ەلجان بٸرتانوۆ, قر دٸن ٸستەرٸ جەنە ازاماتتىق قوعام مينيسترٸ نۇرلان ەرمەكباەۆ, استانا قالاسى ەكٸمٸنٸڭ ورىنباسارى ەرمەك امانشاەۆ, قر پارلامەنتٸ مەجٸلٸسٸنٸڭ دەپۋتاتتتارى مەن زييالى قاۋىم ٶكٸلدەرٸ قاتىستى.
استانا اسپانىن سازدى ەنگە بٶلەگەن دۋماندى كەشتٸ قالا تۇرعىندارى مەن كٶرمەنٸ تاماشالاۋعا كەلگەن شەتەل قوناقتارى جالپى سانى ون مىڭداي حالىق تاماشالادى.
«تٸرشٸلٸكتٸڭ باستاۋى – قازىعۇرت» سازدى-حورەوگرافييالىق كومپوزيتسيياسىمەن باستاۋ العان ٶنەرپازدار كەشٸندە «قازىنا», «شامسينۋر», «تۇمار», «شاتتىق», «فاراب» بي انسامبلدەرٸ مىڭ بۇرالعان بيلەرٸمەن كٶرەرمەندەردٸ تامساندىردى.
گالا-كونتسەرتتٸڭ سوڭىندا «استانا ەكسپو-2017» ۇلتتىق كومپانيياسى» اكتسيونەرلٸك قوعامى باسقارماسىنىڭ تٶراعاسى احمەتجان سماعۇلۇلىنىڭ, وڭتٷستٸك قازاقستان وبلىسىنىڭ ەكٸمٸ جانسەيٸت قانسەيٸتۇلىنىڭ, استانا قالاسى ەكٸمٸ ەسەت ٶرەنتايۇلىنىڭ اتىنان ىقىلاس گٷلدەرٸ ۇسىنىلدى.
