ٶڭٸر ەكٸمدەرٸ ەپيدەميولوگييالىق احۋالدى باقىلاۋدى كٷشەيتۋٸ كەرەك. بۇل تۋرالى ٷكٸمەت وتىرىسىندا قر پرەمەر-مينيسترٸنٸڭ ورىنباسارى ەرالى توعجانوۆ ايتتى, دەپ حابارلايدى "ۇلت اقپارات".
«جالپى ەلٸمٸزدەگٸ ەپيدەميولوگييالىق جاعداي تۇراقتى. سوڭعى ايدا كوروناۆيرۋس ينفەكتسيياسىمەن اۋرۋ كٶرسەتكٸشٸ 1,7 ەسە تٶمەندەدٸ. دەگەنمەن, بٷگٸندە ەلەمدە, ونىڭ ٸشٸندە كٶرشٸلەس ەلدەردە ناۋقاستار سانىنىڭ كەزەكتٸ رەت ارتۋى بايقالىپ وتىر», - دەدٸ ٷكٸمەت باسشىسىنىڭ ورىنباسارى.
ونىڭ اتاپ ٶتۋٸنشە, كوروناۆيرۋس ينفەكتسيياسىنىڭ جاڭا شتاممدارى جەدەل تاراپ جاتىر.
«نۇر-سۇلتان قالاسىندا جٷرگٸزٸلگەن سكرينينگتٸڭ الدىن الا نەتيجەسٸ ۆيرۋستىڭ مۋتاتسيياسىن انىقتادى, ول «دەلتا» شتامىنا تەن ەكەنٸن كٶرسەتٸپ وتىر. وسىعان بايلانىستى ٶڭٸر ەكٸمدەرٸنەن ەپيدەميولوگييالىق احۋالدى باقىلاۋدى كٷشەيتۋدٸ سۇرايمىز. بوساڭسۋعا ەشقانداي نەگٸز جوق»,- دەدٸ ەرالى توعجانوۆ.
