ريو وليمپياداسىنىڭ جەڭٸمپازدارى مەن جٷلدەگەرلەرٸ استانا قالاسىنىڭ كٶشەلەرٸمەن جٷرٸپ ٶتٸپ, «قازاقستان» ورتالىق كونتسەرت زالىنا كەلٸپ جەتتٸ. ساناۋلى مينۋتتاردان سوڭ ەلباسى نۇرسۇلتان نازارباەۆتىڭ قاتىسۋىمەن سپورتشىلارعا قۇرمەت كٶرسەتۋ شاراسى باستالادى, دەپ حابارلايدى Baq.kz تٸلشٸسٸ.
كٷنٸ كەشە استانادا قر ۇلتتىق وليمپيادا كوميتەتٸنٸڭ پرەزيدەنتٸ تيمۋر قۇلىباەۆ پەن قر مەدەنيەت جەنە سپورت مينيسترٸ ارىستانبەك مۇحامەديۇلى ريو-دە-جانەيرودا ٶتكەن جازعى وليمپيادا ويىندارىنىڭ چەمپيوندارى جەنە جٷلدەگەرلەرٸمەن كەزدەسكەن بولاتىن. ال بٷگٸنگٸ سالتاناتتى شەرۋ "بەيتەرەك" مونۋمەنتٸ الدىنداعى مەرەكەلٸك شارادان باستالدى.
ايتا كەتەيٸك, برازيلييانىڭ ريو-دە-جانەيرو قالاسىندا ٶتكەن وليمپيادا ويىندارىندا قازاقستان سپورتشىلارى ٷش التىن, بەس كٷمٸس, توعىز قولا مەدال جەڭٸپ العان بولاتىن. جالپىكوماندالىق ەسەپتە ۇلتتىق قۇرامامىز 22-شٸ ورىندى يەلەنٸپ, مەدال سانى جاعىنان رەكورد ورناتتى. بۇعان دەيٸن اتلانتادا - 11, سيدنەيدە - 7, افينىدا - 8, پەكيندە - 13, ال لوندون وليمپياداسىندا 13 مەدال ەنشٸلەگەن بولاتىنبىز. بۇل جولى قورجىنعا 17 جٷلدە تٷستٸ.
ريو-وليمپياداسىندا سپورتشىلارىمىز نيجات راحىموۆ, دانييار ەلەۋسٸنوۆ جەنە دميتريي بالاندين التىن السا, جازيرا جاپپارقۇل, ەلدوس سمەتوۆ, ۆاسيليي لەۆيت, ەدٸلبەك نييازىمبەتوۆ پەن گيۋزەل مانيۋروۆا كٷمٸس مەدالعا قول جەتكٸزدٸ. قولا جٷلدە العانداردىڭ قاتارىندا گالبادراح وتگونتسەتسەگ, فارحاد حاركي, كارينا گوريچەۆا, الەكساندر زايچيكوۆ, ولگا رىپاكوۆا, ەلميرا سىزدىقوۆا, ەكاتەرينا لاريونوۆا, يۆان دىچكو, داريعا شەكٸموۆا بار.
وسى جىلعى وليمپيادا ويىندارىنا 28 سپورت تٷرٸنەن 206 مەملەكەت پەن بوسقىندار كوماندالارىنان 10 مىڭنان استام سپورتشى قاتىستى. بايراقتى بەسەكەدە 306 مەدال جيىنتىعى ساراپقا سالىندى. تٶرتجىلدىقتىڭ باستى دوداسىندا ەلٸمٸزدٸڭ نامىسىن 26 سپورت تٷرٸنەن 104 سپورتشى قورعادى.
فوتو: قازاقپارات
