مەجٸلٸس تٶراعاسى نۇرلان نىعماتۋلين ارمەنييا ۇلتتىق جينالىسىنىڭ تٶراعاسى ارارات ميرزويانمەن پارلامەنتارالىق ىنتىماقتاستىقتى نىعايتۋ مەسەلەلەرٸن تالقىلادى, – دەپ حابارلايدى «ۇلت اقپارات».
ن.نىعماتۋلين مەن ا.ميرزوياننىڭ كەزدەسۋٸ وسى كٷندەرٸ ەرەۆاندا ٶتٸپ جاتقان, ۇقشۇ پارلامەنتتٸك اسسامبلەياسى اياسىندا ٶتتٸ.
«ٶزارا تيٸمدٸ ەرٸپتەستٸك پەن سەنٸم نەگٸزٸندە دامىپ كەلە جاتقان قازاقستاندىق-ارمياندىق قاتىناسقا باسا نازار اۋدارا كەلٸپ, نۇرلان نىعماتۋلين قازاقستان باسشىلىعى بارلىق سالادا ەكٸجاقتى ٸس-قيمىلدى دامىتۋعا باسا كٶڭٸل بٶلەتٸنٸن اتاپ ٶتتٸ» دەلٸنگەن حابارلامادا.
مەجٸلٸس سپيكەرٸنٸڭ پٸكٸرٸنشە, ەۋرازييالىق ەكونوميكالىق وداق اياسىندا بٸرلەسكەن جۇمىس ساۋدا-ەكونوميكالىق بايلانىستى تەرەڭدەتۋگە جول اشادى.
قازاقستاندىق-ارمياندىق پارلامەنتارالىق قارىم-قاتىناس تۋرالى سٶز ەتكەندە مەجٸلٸس تٶراعاسى الداعى ەۋرازييالىق ينتەگراتسييانى زاڭنامالىق قامتاماسىز ەتۋ جولىنداعى بٸرلەسكەن جۇمىسقا كٶڭٸل بٶلدٸ. نۇرلان نىعماتۋلين سونداي-اق, ٶز ەرٸپتەسٸنە زاڭنامالىق قىزمەت بويىنشا تەجٸريبە الماسۋ ٷشٸن ىنتىماقتاستىق جٶنٸندەگٸ توپتار مەن بەيٸندٸ كوميتەتتەر ەلەۋەتٸن كەڭٸنەن پايدالانۋدى ۇسىندى.
كەزدەسۋ بارىسىندا تاراپتار ۇقشۇ پا اياسىندا ٶزارا ٸس-قيمىلدى كٷشەيتۋگە قاتىستى سۇراقتاردى دا تالقىلادى. ارارات ميرزويان اتاپ ٶتكەندەي, پارلامەنتشٸلەردٸڭ بٸرلەسكەن جۇمىسى قازٸرگٸ زامانعى ەڭ ٶزەكتٸ سۇراقتاردىڭ شەشٸمٸن تابۋعا مٷمكٸندٸك بەرەدٸ.
