نۇر-سۇلتاننىڭ اينالاسىنا بلوكپوستار قويىلمايدى, دەپ حابارلايدى "ۇلت اقپارات".
ەسكە سالا كەتسەك دەنساۋلىق ساقتاۋ مينيسترلٸگٸنٸڭ ۇلتتىق قوعامدىق دەنساۋلىق ساقتاۋ ورتالىعى كەشە 10 جەلتوقسانداعى قازاقستان وبلىستارىنىڭ ەپيدەميولوگييالىق احۋالىن باعالاۋ ماتريتساسىن جارييالاپ, نۇر-سۇلتان قالاسى «قىزىل» ايماققا ٶتكەنٸ بەلگٸلٸ بولعان ەدٸ.
نۇر-سۇلتان قالاسىنىڭ باس سانيتارلىق دەرٸگەرٸ جاننا پراليەۆا بٷگٸن نۇر-سۇلتاننىڭ اينالاسىنا بلوك-پوستتار قويىلمايتىنىن مەلٸم ەتتٸ.
ايتا كەتەرلٸگٸ, جاننا پراليەۆا حالىققا ساق بولۋدى ەسكەرتەدٸ.
ەلوردا 10 جەلتوقسان كٷنٸ «قىزىل» ايماققا ەنگەندٸكتەن, قالا ٸشٸندە اۋرۋ جۇقتىرۋ ىقتيمالدىعى ارتا تٷسكەن. ينفەكتسييالىق اۋرۋحانالار ناۋقاسقا تولىپ كەتپەسە دە, جازداعى احۋال بۇل قاۋٸپتٸڭ كەنەت كەلۋٸ مٷمكٸن ەكەنٸن كٶرسەتٸپ بەردٸ. مٸنە, سول سەبەپتٸ قالانىڭ باس سانيتارى مەرەكە كٷندەرٸ شاھار تۇرعىندارىن ساق بولۋعا شاقىرادى.
