نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى قالادا ۆيرۋس جۇقتىرعاندار سانىنىڭ اياق-استىنان كٶبەيۋ سەبەبٸن ايتتى, دەپ حابارلايدى "ۇلت اقپارات".
«كەشە ەلوردادا 1500-دەن استام ادام كوروناۆيرۋس ٸندەتٸنە شالدىقتى. بۇل ٶتە جوعارى كٶرسەتكٸش. ودان بٶلەك, 2245 ادام ستاتسيونارلىق ەمدٸ تالاپ ەتەدٸ, قازٸر ولار اۋرۋحانادا جاتىر. جەنە 8 مىڭنان استام ناۋقاس ەمحانادا جەنە 201 ادام رەانيماتسييادا ەم الۋدا. ٶكٸنٸشكە قاراي, ٶلٸم جاعدايى دا جوق ەمەس, كٷنٸنە 15 ناۋقاس اتالعان ٸندەتتەن مەرت بولۋدا. بٷگٸندە دەنساۋلىق ساقتاۋ سالاسى قيىن سەتتٸ باستان كەشۋدە, ەرينە بٸز ٶز كەزەگٸمٸزدە بار كٷش-جٸرەگٸمٸزدٸ جۇمسايمىز. ستاتيستيكا كٶرسەتٸپ وتىرعانداي قازٸر قالاداعى ٸندەتتٸڭ قارقىنى ٶتكەن جىلعى جازعى جاعدايدى قايتالاپ وتىر, تٸپتٸ ودان دا جوعارى بولماسا تٶمەن ەمەس. بار-جوعى 2-3 كٷننٸڭ ٸشٸندە كوروناۆيرۋس جۇقتىرۋشىلاردىڭ قارقىنى كٷرت ٶستٸ. كٶرسەتكٸش دەمالىس كٷندەرٸ بۋرابايدا دەمالىپ كەلگەن تۇرعىنداردىڭ ەسەبٸنەن جوعارى بولىپ وتىر. دەمالىس كەزٸندە استانالىقتاردىڭ بۋرابايعا اعىلعانىن بەرٸڭٸز بايقاڭىزدار», - دەدٸ تيمۋر مۇراتوۆ ينستراگرامداعى تٸكەلەي ەفيردە.
