مەملەكەت باسشىسىنىڭ تاپسىرماسى نەگٸزٸندە نۇر-سۇلتان مەن الماتى قالالارى اراسىندا ەۋە تاسىمالى قايتا جانداندى, دەپ حابارلايدى "ۇلت اقپارات".
ايتا كەتسەك قازاقستاننىڭ ەكٸ قالاسى اراسىنداعى ەلدەگٸ تٶتەنشە جاعدايعا بايلانىستى ەۋە تاسىمالىنا 30 ناۋرىزدا شەكتەۋ قويىلعان ەدٸ. اراداعى بٸر ايلىق ٷزٸلٸستەن كەيٸن 1 مامىردا, ياعني بٷگٸن نۇرسۇلتان نازارباەۆ اتىنداعى حالىقارالىق ەۋەجايعا العاشقى جولاۋشىلار الماتىدان كەلدٸ. ال ەلوردادان وڭتٷستٸك استاناعا ۇشاق ساعات 09.40 كەزٸندە قايتا ۇشىپ كەتتٸ.
بٷگٸن نۇر-سۇلتانعا الماتىدان تاعى تٶرت ەۋە ساپارى ورىندالادى.
اتاپ ايتقاندا ساعات 11.35, 14.40, 19.00, 19.20 ۋاقىتىندا تٶرت ۇشاق كەلٸپ قونادى. ەۋە رەيستەرٸن «Air Astana», «Qazaq», «Scat» ەۋە كومپانييالارى ورىندايدى.
ەسكە سالا كەتسەك, 4 مامىردان باستاپ نۇر-سۇلتان مەن الماتىدان قىزىلورداعا, پەتروپاۆلعا, ٶسكەمەنگە جەنە سەمەيگە ەۋە قاتىناستارىن قايتا جاندانادى.
