نوبەل قورى جەلتوقسان ايىندا ٶتۋٸ تيٸس نوبەل سىيلىعىن تابىستاۋ سالتاناتى كوروناۆيرۋسپەن كٷرەسكە باعىتتالعان شەكتەۋ شارالارىنا بايلانىستى جاڭا فورماتتا ٶتەتٸنٸن جارييالادى, دەپ حابارلايدى "ۇلت اقپارات" dw.com سايتىنا سٸلتەمە جاساپ.
«بيىل نوبەل اپتالىعى كٶپ ادام بٸر جەرگە جينالىپ, باسقا ەلدەردەن لاۋرەاتتار شۆەتسييا مەن نورۆەگيياعا كەلە الا ما دەگەن مەسەلەلەرگە قاتىستى جاڭا فورماتتاردى پايدالاناتىن بولادى», - دەلٸنگەن قوردىڭ باسپاسٶز حابارلاماسىندا.
سونىمەن قاتار, قور تابىستاۋ سالتاناتىنىڭ جاڭا فورماتىن قولدانا وتىرىپ, نوبەل سىيلىعىنىڭ وسى بٸر رەسٸمٸنە, تٸپتٸ لاۋرەاتتاردىڭ ەشقايسىسى جەكە ٶزٸ قاتىسا الماسا دا شارانى ٶتكٸزەمٸز دەپ ٷمٸتتەنەتٸنٸن حابارلايدى.
«بٸز 10 جەلتوقساندا وسلو مەن ستوكگولمدە نوبەل سىيلىعىن تاپسىرۋ سالتاناتىن ەلەۋمەتتٸك قاشىقتىقتى ساقتاۋمەن بايلانىستى شەكتەۋلەردٸ ەسكەرەتٸن جاڭا فورماتتى پايدالانا وتىرىپ ٶتكٸزە الامىز دەپ ٷمٸتتەنەمٸز. سونىمەن قاتار كەيبٸر لاۋرەاتتار شاراعا قاتىسا الماۋى مٷمكٸن, تٸپتٸ ەشقايسىسى رەسٸمگە قاتىسپاۋى دا ىقتيمال», - دەپ اتاپ ٶتتٸ نوبەل قورى.
2020 جىلى ستوكگولم راتۋشاسىنداعى دەستٷرلٸ بانكەت بولمايتىنى بٶلەك ايتىلعان.
2020 جىلعى نوبەل لاۋرەاتتارىنىڭ ەسٸمدەرٸ 5-12 قازان ارالىعىندا جارييالانادى دەپ جوسپارلانىپ وتىر.
