نۇرسۇلتان نازارباەۆ جاپونييا يمپەراتورى نارۋحيتونىڭ تاققا وتىرۋ رەسمي سالتاناتتى شاراسىندا «White Tie» درەسس-كودى بويىنشا كيٸندٸ, دەپ حابارلايدى "ۇلت اقپارات".
«قازاقستاننىڭ تۇڭعىش پرەزيدەنتٸ جاپونييا يمپەراتورى نارۋحيتونىڭ تاققا وتىرۋ رەسمي سالتاناتتى شاراسىنا قاتىستى. جاپون تاراپى اتالعان شاراعا وراي تيٸسٸنشە درەسس-كود بەكٸتكەن ەدٸ. دەلەگاتسييا باسشىلارىن قوسا العاندا سالتاناتتى شارانىڭ بارلىق قاتىسۋشىلارى «White Tie» درەسس-كودى بويىنشا كيٸنۋٸ تيٸس بولاتىن. ەلباسى فراكتٸ بٸرٸنشٸ رەت كيٸپ وتىرعان جوق. نۇرسۇلتان نازارباەۆ بارلىق ۋاقىتتا مۇنداي دەڭگەيدەگٸ شارالاردا بەكٸتٸلگەن درەسس-كودتى ۇستانادى», - دەپ جازدى قر تۇڭعىش پرەزيدەنتٸنٸڭ باسپاسٶز حاتشىسى ايدوس ٷكٸباي ەلباسىنىڭ Instagram-داعى پاراقشاسىندا.
ەستەرٸڭٸزگە سالا كەتسەك, ەلباسى نۇرسۇلتان نازارباەۆ جاپونييا پرەمەر-مينيسترٸ سيندزو ابەنٸڭ ارنايى شاقىرۋىمەن جاپون يمپەراتورى نارۋحيتونىڭ تاققا وتىرۋىنا ارنالعان رەسمي شاراعا قاتىسۋ ٷشٸن توكيوعا كەلگەن بولاتىن. بٷگٸن ەلباسى نارۋحيتونىڭ تاققا وتىرۋىنا ارنالعان شاراعا قاتىستى.
