ناۋرىز ايىندا قازاقستاندا كٷرٸشتٸڭ باعاسى - 2%, قارا بيداي ۇنىنا - 3,4%, مال ەتٸ 2% قىمباتتادى, دەپ حابارلايدى "ۇلت اقپارات" قر ۇلتتىق ەكونوميكا مينيسترلٸگٸ ستاتيستيكا كوميتەتٸنە سٸلتەمە جاساپ.
«ٶنەركەسٸپ ٶنٸمدەرٸن ٶندٸرەتٸن كەسٸپورىنداردىڭ باعاسى اعىمداعى جىلعى ٷش ايدا (2020 جىلعى ناۋرىز ايىن 2019 جىلعى جەلتوقسانمەن سالىستىرعاندا) 1,7% تٶمەندەدٸ. باعانىڭ كەن ٶندٸرۋ ٶنەركەسٸبٸندە - 3,2%, ٶڭدەۋ ٶنەركەسٸبٸندە 0,5% تٶمەندەۋٸ بايقالدى. ٶنەركەسٸپتٸك ٶنٸمدەر 2,1% ارزاندادى, ٶنەركەسٸپتٸك سيپاتتاعى كٶرسەتٸلەتٸن قىزمەتتەر 2,1% قىمباتتادى», - دەلٸنگەن اقپاراتتا.
ستاتيستيكا كوميتەتٸ سونداي-اق ٶتكەن ايدا بولعان باعا ٶزگەرٸسٸن مەلٸم ەتتٸ. اتاپ ايتقاندا, ناۋرىزدا ٶندٸرۋشٸ كەسٸپورىندار باعاسى مۇنايعا - 5%, مازۋتقا - 2,8%, بەنزينگە - 0,7%, ديزەل وتىنىنا 0,3% تٶمەندەدٸ. ال مەتالل كەندەرٸنە - 9,3%, تابيعي گازعا - 1,5%, كٶمٸرگە 0,3% جوعارىلادى.
باعا سونداي-اق مىرىشقا - 7,5%, قارا مەتالدار يلەگٸنە - 6,4%, مىسقا - 3,3%, قورعاسىنعا 2,7% تٶمەندەگەن. اسىل مەتالدار قۇنى - 2,4%, اليۋمينيي 1,4% قىمباتتادى.
«ٶندٸرۋشٸلەر باعاسىنىڭ كٷرٸشكە - 2%, قۇس ەتٸنە - 1%, بالىققا 0,6% تٶمەندەگەنٸ, جارمالارعا جەنە قارا بيداي ۇنىنا - 3,4%, مال ەتٸنە - 2%, سٷت ٶنٸمدەرٸنە - 1,9%, ٶسٸمدٸك مايىنا - 1,8%, بيداي ۇنىنا - 1,3%, ماكارون ٶنٸمدەرٸنە - 0,9%, شايعا - 0,7%, نانعا جەنە قانتقا 0,5% جوعارىلاعانى تٸركەلدٸ», - دەلٸنگەن اقپاراتتا.
