فوتو: اشىق دەرەككٶز
بٷگٸن مەجٸلٸستٸڭ جالپى وتىرىسىندا دەپۋتات مۇرات ەرگەشباەۆتىڭ ٶكٸلەتتٸگٸن مەرزٸمٸنەن بۇرىن توقتاتۋ تۋرالى مەسەلە قارالدى, دەپ حابارلايدى Ult.kz.
ەرگەشباەۆ قىزىلوردا وبلىسىنىڭ ەكٸمٸ قىزمەتٸنە كٸرٸسكەندٸكتەن, دەپۋتاتتىق مەرتەبەسٸنەن ايىرىلدى.
"بٸز العاشقى كٷندەردەن باستاپ تىعىز جۇمىس ٸستەدٸك. بارلىق دەپۋتاتتىڭ اتىنان مەجٸلٸستەگٸ بەلسەندٸ جۇمىسى ٷشٸن العىسىمدى بٸلدٸرەمٸن. ٶتكەن اپتادا ول قىزىلوردا وبلىسىنىڭ ەكٸمٸ بولىپ تاعايىندالدى, بۇل ٶتە جاۋاپتى قىزمەت. بٸز وعان جەمٸستٸ جۇمىس تٸلەيمٸز", - دەدٸ مەجٸلٸس تٶراعاسى ەرلان قوشانوۆ.
ەستەرٸڭٸزگە سالا كەتەيٸك, 8 مامىردا قىزىلوردا وبلىسىنا جاڭا ەكٸم تاعايىندالعان بولاتىن. قازاقستان پرەزيدەنتٸ بۇل قىزمەتكە مۇرات ەرگەشباەۆتى تاعايىنداۋ جٶنٸندەگٸ جارلىققا قول قويعان ەدٸ.
