فوتو: Murat Yeszhan/Facebook
ەل كينوتەاترلارىندا كٶرسەتٸلٸمگە شىققان 6 سەرييالى «مٸرجاقىپ. ويان, قازاق» سەريالىنىڭ ىقشامدالعان نۇسقاسىنىڭ پروكاتى تاعى بٸر اپتاعا ۇزارتىلدى. بۇل تۋرالى كينوتۋىندىنىڭ رەجيسسەرٸ مۇرات ەسجان حابارلادى.
«قۋانىشتى جاڭالىق! قالىڭ كٶرەرمەننٸڭ قالاۋى بولىپ, «مٸرجاقىپ. ويان, قازاق» فيلمٸنٸڭ كينوتەاترلارداعى كٶرسەتٸلٸمٸ تاعى بٸر اپتاعا ۇزارتىلدى. ەندٸ تالابىمىزعا قادامىمىز ساي بوپ, كەلەسٸ اپتانى دا انشلاگ جاسايىق. كينوتەاترلار دا سۇرانىستى كٶردٸ عوي, مٷمكٸن سەانستار سانىن بۇدان دا ۇلعايتار. مەملەكەتتٸڭ جۇمساعان قارجىسى اقتالعان العاشقى تاريحي جوبا بولسا دەگەن تٸلەك بار», — دەپ جازدى ول Facebook پاراقشاسىندا.
رەجيسسەردٸڭ ايتۋىنشا, اتالعان فيلم 100% مەملەكەتتٸك بيۋدجەتكە تٷسٸرٸلگەن.
ايتا كەتسەك, بۇعان دەيٸن جەلٸدە «مٸرجاقىپ. ويان, قازاق!» فيلمٸ كٶرسەتٸلٸمنەن الىنىپ تاستالدى دەگەن اقپارات تاراعان ەدٸ.
