بٸلٸم جەنە عىلىم مينيسترلٸگٸ اقتٶبەدە 13 جاستاعى وقۋشىنىڭ ٶلٸمٸنە قاتىستى تٷسٸنٸك بەردٸ, - دەپ حابارلايدى Tengrinews.kz تٸلشٸسٸ "موي گورود" سايتىنا سٸلتەمە جاساي وتىرىپ.
"بالالار ٶلٸمٸنە قاتىستى بارلىق دەرەكتٸ بٸلەمٸز, بۇل - ٷلكەن تراگەدييا. بۇل باعىتتاعى جۇمىستى تەك بٸزدٸڭ مينيسترلٸك قانا جٷرگٸزٸپ وتىرعان جوق. جۇمىستار جٷرگٸزٸلٸپ جاتىر, قورىتىندىسى حابارلانادى", - دەپ مەلٸمدەدٸ بٸلٸم ۆيتسە-مينيسترٸ شولپان كارينوۆا.
مەكتەپ پسيحولوگى بۇل جاعدايدىڭ الدىن الىپ, مورالدىق جاعدايىن باعالاي الا ما دەگەن سۇراققا شەنەۋنٸك ناقتى جاعدايلاردى شەشۋ كەرەك دەپ جاۋاپ بەردٸ.
"پسيحولوگ بۇل دەرەكتەردٸ كٶرۋٸ دە, كٶرمەۋٸ دە مٷمكٸن. سەبەبٸ بٸلٸم بەرۋ ۇيىمدارىندا سۋيتسيد بولعان ەمەس, ەرقاشان ٷيدە بولادى. سوندىقتان بۇل جەردە مازاسىزدىق پەن دەپرەسسييالىق كٷي تۋرالى بٸلۋٸ كەرەك, ەڭ الدىمەن اتا-انا بٸلۋٸ كەرەك. ەگەر ماڭىزدى جايتتى بايقاسا, اتا-انا مۇعالٸمدەرمەن بٸرگە تيٸستٸ ماماندارعا جٷگٸنۋٸ كەرەك. مەن اتا-انالاردى بٸرلەسٸپ جۇمىس ٸستەۋگە, بٸرٸنشٸ كەزەكتە ٶز بالالارىمەن سٶيلەسۋگە, ۋاقىت ٶتكٸزۋگە جەنە مەكتەپ پەن پسيحولوگقا بەلگٸ بەرۋگە شاقىرامىن", - دەدٸ ۆيتسە-مينيستر.
"استانا" جەنە "كتك" تەلەارنالارىنىڭ حابارلاۋىنشا, قايعىلى وقيعا 17 قازاندا كەشكە اقتٶبەنٸڭ 11-شاعىن اۋدانىندا بولعان. قىز 20-قاباتتاعى كٸرەبەرٸستٸڭ بالكونىنان سەكٸرٸپ, وقيعا ورنىندا قايتىس بولعان.
ديانانىڭ اتا-اناسى ەلٸ ٶزدەرٸنە كەلە الماعان. ەكەسٸنٸڭ ايتۋىنشا, قىزى كٶڭٸلدٸ بولعان, ٶنەر مەكتەبٸنە بارىپ, گيتارادا ويناۋدى ٷيرەنگەن. سول كٷنٸ دوسىمەن بٸرگە كينوعا بارعان. بٸراق كەيٸنٸرەك اتا-اناسىنا قىزى بيٸك عيماراتتان قۇلاپ, قايتىس بولعانى تۋرالى حابار كەلگەن.
جەتٸنشٸ سىنىپ وقۋشىسىنىڭ قۇلاعان كەزٸ كٶرشٸ عيماراتتىڭ باقىلاۋ كامەراسىنا تٷسٸرٸلگەن. پوليتسييا مەن جەدەل جەردەم كەلگەندە, ول قايتىس بولعان.
"ونىڭ دوسى, سىنىپتاسى وسى ٷيدە تۇرادى. الدىمەن ول بٸزگە ۋكۋلەلەگە باراتىن قىزبەن بٸرگە باراتىنىن ايتتى. بٸراق كينوعا باسقا قىزبەن بارعان, نەگە ەكەنٸ تٷسٸنٸكسٸز", - دەدٸ مارقۇمنىڭ ەكەسٸ ەربولات قوجاقوۆ.
بٸر نۇسقا بويىنشا, تانىمال Among Us ينتەرنەت-ويىنى مەكتەپ وقۋشىسىن وسىنداي قادامعا يتەرمەلەۋٸ مٷمكٸن. ەلەۋمەتتٸك جەلٸدە قولدانۋشىلاردىڭ بٸرٸ ديانا بٸر جىل بويى ونلاين-كۆەست تاپسىرمالارىن ورىندادى دەپ جازدى, ال جاقىندا بٸرتٷرلٸ باسسىز پٸشٸندەردٸ سالا باستاعان.
الايدا تۋىستارى دا, مۇعالٸمدەرٸ دە بۇعان سەنبەيدٸ. سىنىپ جەتەكشٸسٸ قايعىلى وقيعادان از ۋاقىت بۇرىن بٷكٸل سىنىپ كارانتينگە جٸبەرٸلگەنٸن ايتتى. 18 قازاندا ولار ساباققا ورالۋى كەرەك ەدٸ. وسى ۋاقىت ٸشٸندە مۇعالٸم ەردايىم وقۋشىلارمەن بايلانىستا بولدى, بٸراق ديانانىڭ مٸنەز-قۇلقىنداعى الاڭداتارلىق ٶزگەرٸستەردٸ بايقاماعان.
"مەن ەشقانداي ٶزگەرٸستٸ بايقامادىم, ول اشىق, جاۋاپتى ەدٸ, بەرٸمەن دوس بولدى. بالالار دا ەشتەڭە تٷسٸنبەدٸ. بارلىعى ول تۋرالى ٶتە جاقسى پٸكٸردە, بارلىعى ونى جاقسى كٶرەدٸ", - دەدٸ سىنىپ جەتەكشٸسٸ باقىتگٷل العاليەۆا.
