اقش-تا 101 جاستان اسقان شاعىندا ميللياردەر جەنە فيلانتروپ دەۆيد روكفەللەر قايتىس بولدى, - دەپ حابارلادى ونىڭ جاقىندارىنا سٸلتەمە جاساعان اقپارات اگەنتتٸكتەرٸ.
تۋىستارىنىڭ دەرەگٸنشە, مۇناي ماگناتى ەرٸ تاريحتاعى تۇڭعىش دوللار ميللياردەرٸ دجون روكفەللەردٸڭ نەمەرەسٸ دەۆيد روكفەللەر نيۋ-يورك ماڭىنداعى قونىسىندا ۇيىقتاپ جاتىپ دٷنيەدەن ٶتكەن.
دەۆيد روكفەللەر 1915 جىلى نيۋ-يوركتە تۋعان. ول گارۆارد ۋنيۆەرسيتەتٸن بٸتٸرٸپ, چيكاگو ۋنيۆەرسيتەتٸندە ەكونوميكا دوكتورى عىلىمي دەرەجەسٸن العان. 1942 جىلى ەسكەرگە بارعان دەۆيد روكفەللەر ەكٸنشٸ دٷنيەجٷزٸلٸك سوعىس كەزٸندە بارلاۋشى بولىپ, كاپيتان شەنٸن يەلەنگەن. روكفەللەر دٷنيە جٷزٸنٸڭ باسىم بٶلٸگٸنە بەلگٸلٸ ٸرٸ بانك جٷيەسٸن قۇرىپ, ٷكٸمەتتەرمەن جەنە كٶپۇلتتى كورپوراتسييالارمەن تىعىز ىنتىماقتاستىقس ورناتقان قارجىگەر رەتٸندە تانىلدى.
