فوتو: ارمان مۇحاتوۆ
مەدەنيەت جەنە اقپارات مينيسترلٸگٸنٸڭ كەڭەيتٸلگەن القا وتىرىسىندا قازاقستان جازۋشىلار وداعىنىڭ تٶراعاسى مەرەكە قۇلكەنوۆ بٸرقاتار ماڭىزدى وي-پٸكٸر بٸلدٸردٸ, دەپ حابارلايدى Ult.kz.
ونىڭ ايتۋىنشا توقاەۆقا, ٷكٸمەت مٷشەلەرٸنە جەنە مينيسترلٸككە جولداناتىن ەرقيلى حاتتارعا قول قويار الدىندا ايرىقشا مۇقييات بولۋ قاجەت.
"تاڭعالدىراتىن تاعى بٸر مەسەلە, ٶزٸمٸز جۇمىس ٸستەپ جٷرگەن كينەماتوگرافييا بولسىن, تەاتر بولسىن, مەملەكەتكە قىزمەت ەتٸپ جاتقان ادامداردىڭ ٸشٸنەن كەيبٸرەۋلەر ٶزٸنٸڭ ٸستەپ قويعان قىلمىسىن جاسىرۋ ٷشٸن بٸزدٸڭ مىقتى-مىقتى ادامداردىڭ قولىن قويعىزىپ, پرەزيدەنتكە حات جازادى. وسىنى توقتاتۋ كەرەك.
ٶزٸنٸڭ تەرٸسٸن ساقتاپ قالۋ ٷشٸن, ٶزٸنٸڭ قىلمىسىن جاسىرۋ ٷشٸن پرەزيدەنتكە كەز كەلگەن ۋاقىتتا حات جازاتىن ادامدار ونعان ادامدار ەمەس. بىلتىر سونداي ەڭگٸمەلەر بولدى. مەن ارتىنان جازۋشىلاردان «نەگە قول قويدىڭىز» دەپ سۇرادىم. «ايتىپ ەدٸ, سوسىن قويا سالدىم» دەيدٸ. سونداي بولا ما? نە جازىلعانىن, وندا نە ايتىلعانىن قاراماي, قول قويۋعا بولا ما? بٸرەۋدٸ ناقاقتان قارالاۋعا بولا ما? سوندىقتان دا پرەزيدەنتكە بولسىن, ٷكٸمەتكە بولسىن, مينيستەرگە بولسىن, جازىلعان حاتقا, وعان قول قوياردا بايىپپەن قاراۋ كەرەك", - دەيدٸ قۇلكەنوۆ.
