فوتو: اقوردا
قازاقستان پرەزيدەنتٸ قازاق-قىرعىز قارىم-قاتىناسىنىڭ وڭ ديناميكاسىنا توقتالىپ, وعان تۇراقتى ساياسي ديالوگ, ەكٸ ەل ٷكٸمەتتەرٸ مەن ٸسكەر توپتارى اراسىنداعى بەلسەندٸ ىقپالداستىق سەپتٸگٸن تيگٸزٸپ وتىرعانىن اتاپ ٶتتٸ, دەپ حابارلايدى Ult.kz.
باۋىرلاس ەلدەردٸڭ كٶشباسشىلارى ساۋدا-ەكونوميكا, كٶلٸك-لوگيستيكا جەنە سۋ-ەنەرگەتيكا سالالارىنداعى ىنتىماقتاستىقتىڭ قارقىندى تٷردە دامىپ كەلە جاتقانىنا نازار اۋداردى.
پرەزيدەنتتەر دوستىق, ستراتەگييالىق سەرٸكتەستٸك پەن وداقتاستىق رۋحىنداعى مەملەكەتارالىق بايلانىستاردى ودان ەرٸ كەڭەيتۋگە بەيٸل ەكەنٸن راستادى.
قاسىم-جومارت توقاەۆ سادىر جاپاروۆقا ەلٸمٸزدە كونستيتۋتسييالىق رەفورما جٷرگٸزٸلٸپ جاتقانىن ايتتى. بۇل جاڭعىرتۋ مەملەكەتتٸڭ قارىشتاپ ٶركەندەۋٸنە نەگٸز قالايدى. قىرعىزستان پرەزيدەنتٸ قازاقستانداعى اۋقىمدى ٶزگەرٸستەردٸ قولدايتىنىن مەلٸمدەدٸ.
مەملەكەتتەر باسشىلارى ٶڭٸرلٸك ىنتىماقتاستىق مەسەلەلەرٸ جٶنٸندە ورتاق پٸكٸردە ەكەنٸن جەتكٸزدٸ.
قازاقستان پرەزيدەنتٸ بٸشكەكتە شىۇ سامميتٸ مەن دٷنيەجٷزٸلٸك كٶشپەندٸلەر ويىندارى سەكٸلدٸ ماڭىزدى حالىقارالىق ٸس-شارالاردىڭ تابىستى ٶتۋٸنە تٸلەكتەستٸك بٸلدٸردٸ.
قاسىم-جومارت توقاەۆ سادىر جاپاروۆتىڭ ەل بٸرلٸگٸن ساقتاۋعا, قىرعىز مەملەكەتتٸلٸگٸن نىعايتۋعا باعىتتالعان شەشٸمدەرٸن قۋاتتادى.
