بٷگٸن پارلامەنت مەجٸلٸسٸنٸڭ جالپى وتىرىسىندا قر پرەمەر-مينيسترٸ لاۋازىمىنا ەليحان سمايىلوۆتىڭ كانديداتۋراسى تالقىلانىپ جاتىر, دەپ حابارلايدى قازاقپارات.
«بٷگٸن مەجٸلٸستٸڭ جالپى وتىرىسىنا قازاقستان پرەزيدەنتٸ قاسىم-جومارت كەمەلۇلى توقاەۆ قاتىسىپ وتىر. سونىمەن قاتار, پرەزيدەنت ەكٸمشٸلٸگٸنٸڭ باسشىلىعى, رەسپۋبليكا پرەزيدەنتٸنە تٸكەلەي باعىناتىن جەنە ەسەپ بەرەتٸن مەملەكەتتٸك ورگانداردىڭ باسشىلارى, پرەمەر-مينيستردٸڭ, ونىڭ ورىنباسارلارىنىڭ مٸندەتٸن اتقارۋشىلار, وبلىستاردىڭ جەنە نۇر-سۇلتان, الماتى, شىمكەنت قالالالارىنىڭ ەكٸمدەرٸ قاتىسىپ وتىر. كونستيتۋتسييامىزدىڭ 44-بابىنىڭ ٷشٸنشٸ تارماقشاسىنا سەيكەس, مەملەكەت باسشىسى پرەمەر-مينيستردٸڭ كانديداتۋراسى بويىنشا مەجٸلٸستەگٸ ساياسي پارتييالىق فراكتسييالارمەن كونسۋلتاتسييا ٶتكٸزدٸ. ەندٸ پرەزيدەنت پرەمەر-مينيستردٸ تاعايىنداۋعا پالاتانىڭ كەلٸسٸمٸن الۋى ٷشٸن تيٸستٸ ۇسىنىس مەجٸلٸسكە ەنگٸزٸلدٸ», - دەدٸ مەجٸلٸس تٶراعاسى نۇرلان نىعماتۋلين.
بۇدان بۇرىن حابارلانعانداي, مەملەكەت باسشىسى قاسىم-جومارت توقاەۆ قر پرەمەر-مينيستردٸڭ لاۋازىمىنا ەليحان سمايىلوۆتىڭ كانديداتۋراسىن ۇسىندى.
