استاناداعى ادۆوكاتتار القاسىنىڭ ادۆوكاتى جومارت سارمانوۆ قر پرەزيدەنتٸنٸڭ ەكٸمشٸلٸگٸ باسشىسىنىڭ بۇرىنعى ورىنباسارى باعلان مايلىباەۆتىڭ قاماۋعا الىنعانىنا قاتىستى كەيبٸر مەلٸمەتتەردٸ حابارلادى. بۇل تۋرالى kaz.tengrinews.kz جازدى.
سٶيتسەك, ادۆوكات مايلىباەۆتى قورعاۋعا كەلٸسٸم جاساپتى. جومارت سارمانوۆ قر پرەزيدەنتٸنٸڭ ەكٸمشٸلٸگٸ باسشىسىنىڭ ەكس-ورىنباسارىنا قاتىستى قىلمىستىق ٸستٸڭ قۇپييا تٷردە ٶتەتٸنٸن مەلٸمدەدٸ.
"قر ۇقك باسپاسٶز قىزمەتٸنٸڭ باق-قا تاراتقان رەسمي حابارلاماسىنىڭ اياسىنداعى كەيبٸر مەلٸمەتتەردٸ عانا ايتا الامىن. يە, شىن مەنٸندە قر پرەزيدەنتٸنٸڭ ەكٸمشٸلٸگٸ باسشىسىنىڭ بۇرىنعى ورىنباسارى ب.ا.مايلىباەۆ قر ۇقك تەرگەۋ دەپارتامەنتٸنٸڭ قر قىلمىستىق كودەكسٸنٸڭ 185-بابىنىڭ 3-بٶلٸگٸ ("مەملەكەتتiك قۇپييالاردى زاڭسىز جيناۋ, تاراتۋ, جارييا ەتۋ") بويىنشا تەرگەپ جاتقان قىلمىستىق ٸستە كٷدٸكتٸ", - دەدٸ باعلان مايلىباەۆتىڭ ادۆوكاتى جومارت سارمانوۆ.
ول ٶز قورعاۋىنداعى ازاماتقا قاتىستى ەكٸ ايعا قاماۋعا الۋ تٷرٸندەگٸ بۇلتارتپاۋ شاراسىنىڭ تاڭدالعانىن ەسكە سالدى.
"كەيبٸر جۋرناليستەرگە جەنە ٶزگە دە تۇلعالارعا, ونىڭ ٸشٸندە مايلىباەۆتىڭ ۇستالعانى جەنە قامالعانى تۋرالى پٸكٸر بٸلدٸرٸپ, جاساماعان ەرەكەتٸن جاسادى دەپ, باسقا ٸستەرمەن, ناقتىراق ايتساق, ەكس-مينيستر قۋاندىق بيشٸمباەۆتىڭ ٸسٸمەن بەلگٸلٸ بٸر بايلانىس تاۋىپ وتىرعان بەلگٸلٸ ساياساتتانۋشىلارعا ەسكەرتكٸم كەلەدٸ. بيشٸمباەۆقا قاتىستى ٸستٸ باسقا ۆەدومستۆو تەرگەپ جاتىر - سىبايلاس جەمقورلىققا قارسى ٸس-قيمىل ۇلتتىق بيۋروسى. ول قىلمىستىڭ باسقا تٷرٸ بويىنشا كٷدٸككە ٸلٸنگەن - الدىن الا كەلٸسٸم بويىنشا توپ بولىپ بٸرنەشە مەرتە اسا ٸرٸ كٶلەمدە پارا الدى دەگەن كٷدٸك", - دەپ مەلٸمدەدٸ سارمانوۆ.
وسىعان بايلانىستى مايلىباەۆتىڭ ادۆوكاتى بۇل ەكٸ ٸستٸڭ ٶزارا بايلانىسى جوق ەكەنٸن ناقتىلاپ وتىر.
"ەكٸ تٷرلٸ ادام جەنە ەكٸ تٷرلٸ قىلمىس قۇرامى. ەكٸ تٷرلٸ قىلمىستىق ٸس, بٸر-بٸرٸمەن بايلانىسپايدى. جوعارى لاۋازىمدى تۇلعالارعا قاتىستى قوعامدى دٷرلٸكتٸرگەن باسقا قىلمىستىق ٸستەرمەن بايلانىسى جوق. مايلىباەۆتىڭ ٸسٸندە رەسپۋبليكالىق بيۋدجەتتەن 1,3 ميلليارد تەڭگە جىمقىرىلعانى جايلى بٸر باق-تا جىلت ەتٸپ شىققان جاڭالىق تۋرالى مەلٸمەت جوق", - دەدٸ ادۆوكات.
"باعلان مايلىباەۆ مەملەكەتتٸك قۇپييالارعا بايلانىستى قىلمىستىق قۇقىقبۇزۋشىلىق جاسادى دەپ كٷدٸككە ٸلٸنگەن, بۇل تۋرالى قر ۇلتتىق قاۋٸپسٸزدٸك قىزمەتٸنٸڭ باسپاسٶز قىزمەتٸ ناقتى ەرٸ رەسمي تٷردە حابارلادى. تٷرلٸ بولجام مەن قاۋەسەتتەر, جۋرناليستەر مەن ساياساتتانۋشىلاردىڭ تٷرلٸ بولجامدارى دۇرىس ەمەس جەنە كٷدٸكتٸ باعلان مايلىباەۆقا قاتىستى سوتقا دەيٸنگٸ ەدٸل تەرگەۋگە كەدەرگٸ كەلتٸرۋٸ مٷمكٸن, سٶيتٸپ, قوعامدا قاتە پٸكٸر قالىپتاستىرۋى مٷمكٸن", - دەدٸ جومارت سارمانوۆ.
ەسكە سالايىق, وسىعان دەيٸن مەملەكەت باسشىسىنىڭ جارلىعىمەن باعلان مايلىباەۆ قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸ باسشىسىنىڭ ورىنباسارى قىزمەتٸنەن بوساتىلعانى بەلگٸلٸپ بولعان ەدٸ. كەيٸن ونىڭ قاماۋعا الىنعانى جايلى اقپارات تارادى. بٸر اپتا ٶتكەندە مارات تەجين پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى بولىپ تاعايىندالعان. سول كەزدە وسى تاعايىنداۋعا قاتىستى پٸكٸر بٸلدٸرگەن ساياساتتانۋشى دوسىم سەتباەۆ تەجيننٸڭ تاعايىندالۋى پرەزيدەنتتٸڭ جاس كادرلاردان كٶڭٸلٸ قالعانىن كٶرسەتەدٸ دەپ مەلٸمدەگەن ەدٸ.
