مەسكەۋ قالالىق تاگان اۋداندىق سوتى 31 قاڭتاردا قازاقستاندىق ەكس-بانكير مۇحتار ەبٸليازوۆقا قاتىستى قىلمىستىق ٸس ماتەريالدارىن قارايدى, دەپ حابارلايدى قازاقپارات.
mos-gursud.ru پورتالىنىڭ مەلٸمەتٸنشە, رف قىلمىستىق كودەكسٸنٸڭ 159-بابى 4-بٶلٸگٸ («الاياقتىق») بويىنشا م.ەبٸليازوۆتى جەنە تاعى تٶرت ازامات - ا.ۆ.ەرەششەنكو, ي.ۆ.كونونكو, ت.ن. پاراسكەۆيچ جەنە ا.ا ۋدوۆەنكونى ايىپتاۋ بويىنشا قىلمىستىق ٸس ٶتكەن جىلدىڭ جەلتوقسانىندا سوتقا تٷسكەن.
وسى ارالىقتا ەكٸ سوت وتىرىسى قورعاۋشىلاردىڭ كەلمەۋٸنە بايلانىستى كەيٸنگە (2019 جىلدىڭ 24 جەلتوقسانى جەنە 2020 جىلدىڭ 17 قاڭتارى) قالدىرىلدى. كەلەسٸ وتىرىس جۇماعا, 31 قاڭتارعا بەلگٸلەندٸ.
رەسەي فەدەراتسيياسىنىڭ قك 159-بابى 4-بٶلٸگٸ بويىنشا («ۇيىمداسقان توپتىڭ اسا ٸرٸ مٶلشەردە الاياقتىق جاساۋى نەمەسە ازاماتتىڭ تۇرعىن ٷي-جاي قۇقىعىنان ايىرۋعا ەكەپ سوققان الاياقتىق») كٸنەلٸلەر ون جىلعا دەيٸن باس بوستاندىعىنان ايىرىلىپ, بٸر ميلليون رۋبلگە دەيٸن ايىپپۇل تٶلەيدٸ.
بۇل ەرەكەت اسا ٸرٸ قىلمىسقا جاتادى, سوندىقتان ٸس ايىپتالۋشىلاردىڭ قاتىسۋىنسىز قارالا بەرمەك. ادۆوكاتتاردىڭ ٷنەمٸ كەلمەي قالۋى دا سوت پروتسەسٸن سوزا بەرۋگە نەگٸز بولمايدى, ٶيتكەنٸ رف قىلمىستىق ٸس جٷرگٸزۋ كودەكسٸنە سەيكەس, «سوتتالۋشىنىڭ شاقىرعان قورعاۋشىسى بولماعان جاعدايدا سوت قورعاۋشىنى تاعايىنداۋ بويىنشا شارالار قابىلدايدى». وسىلايشا, ايىپتالۋشىلارعا قاتىستى ٷكٸم ولاردىڭ قاتىسۋىنسىز شىعارىلۋى مٷمكٸن.
