قر دەنساۋلىق ساقتاۋ مينيسترٸ ەلجان بٸرتانوۆ ماسكا تاعۋ قاجەتتٸگٸ بار توپتاردى اتادى, دەپ حابارلايدى "ۇلت اقپارات".
«قازٸر وقۋشىلار مەن ستۋدەنتتەر دەمالىستا. ٶكٸنٸشكە قاراي, كەز كەلگەن بالا, شەكٸرت نەمەسە ستۋدەنت ينفەكتسييانى تاسىمالداۋشى بولۋى مٷمكٸن. ولار دوستارىمەن كەزدەسەمٸن دەپ جٷرٸپ, ٸندەتتٸ جۇقتىرىپ السا, ٷيدەگٸ ەگدە جاستاعى اتا-انا, جاسى ٷلكەن تۋىستارىنا ٷلكەن قاۋٸپ تٶندٸرەدٸ. ونىڭ زاردابى دا اۋىر بولماق», - دەپ جازدى مينيستر ەلەۋمەتتٸك جەلٸدەگٸ پاراقشاسىندا.
وسى ورايدا ول 5 ماۋسىمدا ددسۇ حالىقتىڭ تٷرلٸ توپتارىنا ارنالعان ماسكاعا قاتىستى جاڭا ۇسىنىم جاساعانىن ەسكە سالدى.
«COVID-19 تارالۋىنىڭ الدىن الۋ ٷشٸن مٸندەتتٸ تٷردە ەلەۋمەتتٸك اراقاشىقتىقتى (كەم دەگەندە 1 مەتر) ساقتاۋ كەرەك. مەديتسينا قىزمەتكەرلەرٸنە, رەسپيراتورلىق اۋرۋ سيمپتومدارى بار ادامدارعا, حالىقتىڭ وسال توبىنا كٸرەتٸن ادامدارعا, سونداي-اق 1 مەتر اراقاشىقتىقتى ساقتاۋعا مٷمكٸندٸك بولماعان كەزدە ماسكا تاعۋ ۇسىنىلدى. سونىمەن قاتار, ددسۇ COVID-19 جەڭٸل سيمپتومدارى بار ادامدارعا مەديتسينالىق ماسكا تاعۋعا (جەنە مەديتسينالىق كٶمەككە جٷگٸنۋ) كەڭەس بەرەدٸ», - دەدٸ ە. بٸرتانوۆ.
مۇنىمەن قوسا ۆەدومستۆو باسشىسى «ددسۇ پاندەمييا جوق دەپ مەلٸمدەدٸ» دەگەن پٸكٸر قاتە ەكەنٸن اتاپ ٶتتٸ.
«سونىمەن, سٸز «جەكە كارانتين» ەرەجەلەرٸنە نەمقۇرايلى قاراماي, جاۋاپكەرشٸلٸك تانىتساڭىز وتباسىڭىزدىڭ, تۋىس, دوستارىڭىز بەن ەرٸپتەستەرٸڭٸزدٸڭ, قالا مەن ەلدٸڭ قاۋٸپسٸزدٸگٸن قامتاماسىز ەتەسٸز. بٸز بٸرگە كٷرەسسەك قانا بۇرىنعى ٶمٸر سٷرۋ سالتىمىزعا, جۇمىسقا تەزٸرەك ورالامىز, تۋعان-تۋىس, جاقىندارىمىزبەن قاۋىشىپ, ەركٸن جٷرٸپ-تۇرۋعا مٷمكٸندٸك تۋادى, قايتا ساياحاتقا شىعامىز», - دەپ تٷسٸندٸردٸ مينيستر.
بۇدان بۇرىن حابارلانعانداي, مينيستر «جەكە كارانتينگە» قاتىستى پٸكٸر بٸلدٸردٸ.
