زەرتتەۋ نەتيجەسٸندە اقتاۋدان 20 شاقىرىم جەردەگٸ قاراكٶل كٶلٸندە تابىلعان ٶلٸ اققۋلاردان قۇس تۇماۋى انىقتالدى, - دەپ حابارلايدى Tengrinews.kz پورتالى قر اۋىل شارۋاشىلىعى مينيسترلٸگٸنٸڭ ۆەتەرينارييالىق باقىلاۋ جەنە قاداعالاۋ كوميتەتٸنە سٸلتەمە جاساپ.
"ٶلگەن قۇستاردان قۇس تۇماۋىنا الىنعان پاتولوگييالىق ماتەريالدار وڭ نەتيجە كٶرسەتتٸ. قاراكٶل كٶلٸ - جابايى قۇستاردىڭ وسى تٷرٸنٸڭ ۇشۋ جولىنداعى تۇراقتايتىن اۋماقتىڭ بٸرٸ. مۇز بۇعاۋلارىنان قازاقستاننىڭ بارلىق اۋماعىندا تٸرشٸلٸك ەتەتٸن اققۋلار تابىلدى", - دەلٸنگەن حابارلامادا.
كوميتەت شۇعىل شارالاردى جٷرگٸزۋ جەنە ٷي قۇستارىنىڭ اراسىندا ينفەكتسييانىڭ تارالۋىنا جول بەرمەۋ ٷشٸن رەسپۋبليكالىق قوردان قاۋٸپ تٶنگەن ايماقتارداعى بارلىق ٷي قۇسىن ۆاكتسيناتسييالاۋ ٷشٸن 18 644 دوزا ۆاكتسينا بٶلگەن. سونداي-اق, ٶڭٸرگە رەسپۋبليكالىق ەپيزووتيياعا قارسى وتريادتىڭ ماماندارى جۇمىلدىرىلعان.
ەسكە سالايىق, بلوگەر ازامات سەرسەنباەۆ ماڭعىستاۋ وبلىسىنداعى كٶلدە اققۋلار قىرىلىپ جاتقانىن حابارلاعان بولاتىن.
