فوتو: ©تۇرار قازانعاپوۆ
اقتاۋ گارنيزونىندا بەلگٸسٸز زاتتىڭ جارىلۋىنان ەسكەري قىزمەتشٸ مەرت بولدى,, - دەپ حابارلايدى Tengrinews.kz پورتالى inaktau.kz سايتىنا سٸلتەمە جاساپ.
وقيعا 30 قىركٷيەكتە اقتاۋ گارنيزونىنداعى "ويماشا" وقۋ پوليگونىندا جۇمىس جٷرگٸزۋ كەزٸندە بولعان.
"2023 جىلعى 30 قىركٷيەكتە اقتاۋ گارنيزونىنىڭ "ويماشا" وقۋ پوليگونىندا جۇمىس بارىسىندا بەلگٸسٸز زات جارىلدى. سالدارىنان ەسكەري قىزمەتشٸ تٷرلٸ دەرەجەدە جاراقات الدى. وقيعا ورنىنا شۇعىل تٷردە جەدەل جەردەم بريگاداسى شاقىرىلدى. مەديتسينا قىزمەتكەرلەرٸنٸڭ شۇعىل ەرەكەتٸنە قاراماستان, ەسكەري قىزمەتشٸ اۋرۋحاناعا بارار جولدا قايتىس بولدى", - دەلٸنگەن حابارلامادا.
وقيعا ورنىنا "باتىس" ٶڭٸرلٸك قولباسشىلىعى ەسكەرلەرٸنٸڭ قولباسشىسى گەنەرال-مايور د.وسپانوۆ باستاعان كوميسسييا جٸبەرٸلگەن.
