ماڭعىستاۋ وبلىسىندا جىل باسىنان بەرٸ 200 قىز جٷكتٸ بولىپ قالعان, ولاردىڭ اراسىندا ەڭ كٸشٸسٸ 15 جاستاعى مەكتەپ وقۋشىسى. 98 قىز قازٸرگٸ ۋاقىتتا انا بولىپ ٷلگەرگەن. بۇل تۋرالى "موي گورود" پورتالىنا ايماقتىڭ شتاتتان تىس باس پەدياترى نۇرسۇلۋ مۇحامبەتيياروۆا حابارلادى.
جٷكتٸلٸك بويىنشا تٸزٸمگە تۇرعانداردىڭ باسىم بٶلٸگٸ - اۋىلدا تۇراتىن قىزدار. ولاردىڭ ٸشٸندە 15-18 جاس ارالىعىندا 128 قىزدىڭ جٷكتٸ بولىپ قالعان جاعدايى تٸركەلگەن. ال 70-تەن اسا قىز قالالىقتار ەكەن. تاعى 38 جٷكتٸ قىز قىزىلوردا مەن وڭتٷستٸك قازاقستان وبلىستارىنان كەلگەندەر.
"17 جاستاعى قىزداردىڭ بٸرٸ اقتاۋعا باسقا قالادان وقۋعا كەلٸپ, تۋىستارىنىڭ ٷيٸندە تۇرىپ جاتىر. ول جٸگٸتپەن تانىسىپ, ونىڭ ٷيٸنە كٶشٸپ بارعان. بٸرگە ٶمٸر سٷرۋدٸڭ نەتيجەسٸندە ول بالا كٶتەرٸپ قالىپ, جٸگٸتٸ بالادان باس تارتقان. قىز پسيحولوگييالىق كٶمەك كٶرسەتۋ جەدەل جەلٸسٸنە حابارلاسقان. وعان پسيحولوگتار كەڭەس ايتىپ, ابورت جاساتۋدىڭ قاجەتٸ جوق ەكەنٸن ايتۋمەن بولدى. بٸز ونى ەسەپكە الدىق. ول بوسانعاندا, اتا-اناسى كەلدٸ", - دەدٸ پەدياتر.
دەرٸگەرلەردٸڭ ايتۋىنشا, جاسٶسپٸرٸمدەردٸڭ جٷكتٸلٸگٸنە كونتراتسەپتسييا قۇرالدارى مەن ابورتتىڭ سالدارىن بٸلمەۋ ەكەن.
ال وسىعان دەيٸن الماتى وبلىسىندا جىل باسىنان بەرٸ 437 جاسٶسپٸرٸم قىزدىڭ جٷكتٸ بولىپ قالعانى حابارلانعان. بولاتىن. ولار 15-17 جاس ارالىعىندا.
