ناۋقاستاردىڭ 90 پايىزى ينفەكتسييانى وتباسىلىق تويلاردا جۇقتىرعان. بۇل تۋرالى ۇلتتىق عىلىمي كارديوحيرۋرگييا ورتالىعى باسقارما تٶراعاسىنىڭ مٸندەتٸن اتقارۋشى ماحاببات بەكبوسىنوۆا ايتتى, دەپ حابارلايدى قازاقپارات.
«جاز ايلارىندا كوۆيد ورتالىعى رەتٸندە جۇمىس ٸستەگەن كەزٸمٸزدە, كورونوۆيرۋستىڭ اۋىر فورماسىنا شالدىققان ناۋقاستاردى قابىلدادىق. ەم-دوم العان ناۋقاستاردىڭ 90 پايىزى ينفەكتسييانى تٷرلٸ ٸس-شارالاردا, ياعني ٷيلەنۋ تويىندا, تۋعان كٷن, قۇدالىق سەكٸلدٸ دەستٷرلٸ جيىنداردا جۇقتىرعان. بۇل - ٶز كەزەگٸندە ٷلكەن پروبلەما. سوندىقتان ادامدار كٶپ جينالاتىن جەرگە بارماۋعا كەڭەس بەرەمٸن. نەگٸزگٸ تالاپتاردى ۇستانىپ جٷرگەن, ٸندەت جۇقتىرماعان جاقسى تانىس ادامدارمەن كەزدەسۋگە بولاتىن شىعار, الايدا وتباسىلىق جەنە باسقا دا ٷلكەن جيىندارعا, ساۋدا ورتالىقتارىنا بارعان ەلٸ دە قاۋٸپتٸ», - دەدٸ م. بەكبوسىنوۆا.
ونىڭ ايتۋىنشا, ستاتيستيكا بويىنشا ينفەكتسييا كٶبٸنە قوعامدىق كٶلٸكتە, ساۋدا ورتالىقتارىندا, كٶپقاباتتى ٷيلەردٸڭ ليفتٸسٸندە تارايدى.
«ساقتىق ٸس-شارالارىنا مەن بەرٸپ, ماسكا تاعىپ, اراقاشىقتى ساقتاۋ كەرەك. اۋىرعاندا كٶشەگە شىعۋدىڭ قاجەتٸ جوق. وسى جايىندا دەرٸگەرگە حابارلاعان جٶن. تۇرعىلىقتى جەردەگٸ ەمحانامەن بايلانىستا بولۋ قاجەت. ٸندەت جايىندا ەرتەرەك حابارلانسا, ەم-دوم نەتيجەلٸ بولادى. ەڭ باستىسى, جاز ايلارىنداعى احۋال قايتالانباۋى تيٸس. ول كەزدە ٸندەتتٸڭ تارالۋ وشاعى كەڭەيگەن ەدٸ. بۇل ٶز كەزەگٸندە مەديتسينا قىزمەتكەرلەرٸ ٷشٸن ٷلكەن سىناق بولدى. الدا مەرەكە كٷندەرٸ كەلە جاتىر, بارشا قازاقستان حالقىن تەۋەلسٸزدٸك كٷنٸمەن قۇتتىقتايمىن!», - دەدٸ ماحاببات بەكبوسىنوۆا.
