بۇرىنعى دەنساۋلىق ساقتاۋ مينيسترٸ ەلجان بٸرتانوۆ سوتتا سٶز سٶيلەدٸ. ول تەرگەۋ ورگاندارى وعان ەلٸ ايىپ تاقپاعانىن مەلٸمدەدٸ, - دەپ حابارلايدى Tengrinews.kz.
"كەشە بٸرقاتار بۇقارالىق اقپارات قۇرالى پروكۋروردىڭ ماعان ايىپ تاققانى تۋرالى قاتە نەمەسە ەدەيٸ جازىلعان اقپارات تاراتتى. سوتقا قاتىسقان باق ٶكٸلدەرٸنە ماعان ەلٸ ايىپ تاعىلماعانىن, تەرگەۋ ەلٸ جٷرٸپ جاتقانىن حابارلاعىم كەلەدٸ. بٷگٸنگٸ تاڭدا كٷدٸكتٸڭ نەگٸزدٸلٸگٸ مەن كٷدٸكتٸ رەتٸندە مەنٸڭ قۇقىعىمدى شەكتەۋ تۋرالى مەسەلە عانا قارالىپ جاتىر.
ارىزدى زەردەلەپ, ۇرلىق پەن جىمقىرۋ كٷدٸكتەرٸنٸڭ زاڭدىلىعى مەن نەگٸزدٸلٸگٸن راستايتىن سەنٸمدٸ دەرەكتەر جوق ەكەنٸن ايتقىم كەلەدٸ. سەبەبٸ ۇرلىق جاسالعان جوق. مەن دەنساۋلىق ساقتاۋ مينيسترٸنٸڭ مٸندەتتەرٸن اتقارعاندا وسى ٸستە دە, باسقالارىندا دا قانداي دا بٸر سىبايلاس جەمقورلىققا قاتىسىم جوق ەكەنٸن تاعى دا جارييا تٷردە مەلٸمدەيمٸن", - دەدٸ بٸرتانوۆ.
ەسكە سالايىق, كەشە سوتتا پروكۋرور تٶلەگەن جاراسباەۆ 2020 جىلدىڭ قازانىنان بەرٸ قاماۋدا وتىرعان بۇرىنعى دەنساۋلىق ساقتاۋ مينيسترٸ ەلجان بٸرتانوۆقا قانداي ايىپ تاعىلعانىن ايتقان بولاتىن. دەنساۋلىق ساقتاۋ مينيسترلٸگٸنٸڭ بۇرىنعى باسشىسى 12 جىلعا باس بوستاندىعىنان ايىرىلۋى مٷمكٸن.
