فوتو: Reuters
سوت وتىرىسى باستالعاننان بٸرنەشە مينۋت ٶتكەن سوڭ سۋديا ەلۆين حەللەرستاين نيكولاس مادۋرودان ٶزٸن تانىستىرۋدى سۇرادى.
"مەن — ۆەنەسۋەلانىڭ پرەزيدەنتٸمٸن, مەنٸ كاراكاستاعى ٷيٸمدە ۇستاپ ەكەتتٸ", — دەپ مەلٸمدەدٸ مادۋرو (Reuters).
سۋديا ونىڭ سٶزٸن بٶلٸپ تاستادى.
ايىپتاۋ قۇجاتتارىنىڭ قىسقاشا مازمۇنى جارييالانعاننان كەيٸن مادۋرو نيۋ-يورك فەدەرالدىق سوتىندا ٶز كٸنەسٸزدٸگٸن جارييالادى.
"مەن كٸنەلٸ ەمەسپٸن. مەن — ادال اداممىن. مەن ەلٸ دە ٶز ەلٸمنٸڭ پرەزيدەنتٸمٸن", — دەدٸ ول.
سۋديا حەللەرستاين مادۋرو مەن ونىڭ جۇبايىنا نيۋ-يوركتە فەدەرالدىق ايىپتار بويىنشا قاماۋدا وتىرعان كەزەڭدە ۆەنەسۋەلا كونسۋلدىعىمەن بايلانىسۋ قۇقىعى بار ەكەنٸن ەسكەرتتٸ. مادۋرو بۇل قۇقىقتى پايدالانعىسى كەلەتٸنٸن ايتتى.
مادۋرونىڭ ادۆوكاتى بارري پوللاك نيۋ-يوركتەگٸ سوتتا قازٸرگٸ تاڭدا قورعاۋ تاراپى ٶزٸنٸڭ قورعاۋىنداعى تۇلعانى كەپٸلمەن بوساتۋدى تالاپ ەتپەيتٸنٸن حابارلادى. سونىمەن بٸرگە, قورعاۋ تاراپى بۇل جٶنٸندە كەيٸنٸرەك تيٸستٸ ٶتٸنٸش بەرۋدٸ جوسپارلاپ وتىرعانىن مەلٸمدەدٸ.
سوت وتىرىسىنىڭ قورىتىندىسى بويىنشا سۋديا مادۋرونى 17 ناۋرىزدا ٸسٸ بويىنشا ٶتەتٸن تىڭداۋعا سوت الدىنا كەلۋگە مٸندەتتەدٸ.
بۇعان دەيٸن مادۋرو ٶزٸن قورعاۋ ٷشٸن ۆاشينگتونداعى ادۆوكات بارري پوللاكتى جالداعانى حابارلانعان ەدٸ. ول 2024 جىلى WikiLeaks نەگٸزٸن قالاۋشى دجۋليان اسسانجعا اقش پروكۋراتۋراسىمەن كەلٸسٸمگە كەلٸپ, بوستاندىققا شىعۋىنا كٶمەكتەسكەن.
