فوتو: اشىق دەرەككٶز
قىزىلوردا وبلىسىندا سانيتارييالىق-ەپيدەميولوگييالىق باقىلاۋ قىزمەتكەرٸ مەن دەرٸگەر جالعان ەڭبەككە جارامسىزدىق پاراعىن پايدالانعانى ٷشٸن سوتتالدى, دەپ حابارلايدى Ult.kz.
وبلىستىق پروكۋراتۋرا جٷرگٸزگەن تەكسەرۋ بارىسىندا سانيتارييالىق-ەپيدەميولوگييالىق باقىلاۋ دەپارتامەنتٸنە قاراستى سىردارييا اۋداندىق باسقارماسىنىڭ بٶلٸم باسشىسى قىلمىستىق قۇقىق بۇزۋشىلىققا بارعانى انىقتالعان.
بەلگٸلٸ بولعانداي, اتالعان قىزمەتكەر ەكٸمشٸلٸك قۇقىق بۇزۋشىلىق جاساعانى ٷشٸن 15 تەۋلٸككە قاماققا الىنعان. الايدا ول جۇمىستا بولماعانىن جاسىرۋ ٷشٸن باسشىلىققا جالعان ۋاقىتشا ەڭبەككە جارامسىزدىق پاراعىن تاپسىرعان.
تەرگەۋ كەزٸندە بۇل قۇجاتتىڭ جالعان ەكەنٸ جەنە ونى سىردارييا اۋداندىق اۋرۋحاناسىنىڭ دەرٸگەرٸ دايىنداعانى انىقتالدى.
پروكۋرورلىق تەكسەرۋ نەتيجەسٸندە سوتقا دەيٸنگٸ تەرگەۋ باستالىپ, ٸس سوتقا جولدانعان. سوت ٷكٸمٸمەن دەرٸگەر قىلمىستىق كودەكستٸڭ 385-بابى 1-بٶلٸگٸ بويىنشا كٸنەلٸ دەپ تانىلىپ, 1 جىلعا بوستاندىعىن شەكتەۋ جازاسىنا كەسٸلدٸ.
ال بٶلٸم باسشىسى قك-نٸڭ 385-بابى 3-بٶلٸگٸ بويىنشا جالعان قۇجاتتى پايدالانعانى ٷشٸن كٸنەلٸ دەپ تانىلىپ, وعان 20 ايلىق ەسەپتٸك كٶرسەتكٸش كٶلەمٸندە ايىپپۇل سالىندى.
سوت ٷكٸمٸ زاڭدى كٷشٸنە ەندٸ.
