قىزىلوردا وبلىسى ارال اۋدانىندا ۇلى وتان سوعىسىنىڭ جاۋىنگەرٸ ەمبەرگەن اسايىنوۆتىڭ سٷيەگٸن قايتا جەرلەۋ رەسٸمٸ ٶتتٸ, دەپ حابارلايدى "ۇلت اقپارات".
ەمبەرگەن اسايىنوۆ 1942 جىلى مايدانعا اتتانىپ, 1943 جىلى سۇراپىل شايقاستاردىڭ بٸرٸندە قازا تاپقان. ساربازدىڭ سٷيەگٸ رەسەيدٸڭ فەدەراتسيياسىنىڭ ومبى قالاسىنان پاۆلودارعا, ودان كەيٸن ارال ستانتسيياسىنا تەمٸرجول كٶلٸگٸمەن جەتكٸزٸلدٸ. قارت جاۋىنگەردٸڭ سٷيەگٸ بارلىق ەسكەري رەسٸمدٸ ساقتاي وتىرىپ, جەر قوينىنا تاپسىرىلدى.
رەسەيدەگٸ «وپورا» ٸزدەستٸرۋ ورتالىعى مٷشەلەرٸنٸڭ قازاقستاندىق جاۋىنگەر ەمبەرگەن اسايىنوۆتىڭ دەرەگٸن انىقتاعان بولاتىن. ول رەسەيدٸڭ لەنينگراد وبلىسى, كيروۆ اۋدانى ماڭايىندا قازا تاپقان. مايدانگەر 327-شٸ اتقىشتار ديۆيزيياسىندا قىزمەت ەتكەن.
«ەكەم اتامىزدىڭ سٷيەگٸن تۋعان جەرگە الىپ كەلٸپ جەرلەۋدٸ ارمانداپ ٶمٸردەن وزدى. سول مٸندەت ماعان بۇيىرىپ وتىر. وسىلايشا ەكەمنٸڭ ارمانى ورىندالعانىنا قۋانىشتىمىن», - دەدٸ قارت جاۋىنگەردٸڭ نەمەرەسٸ سەرٸك ەمبەرگەن.
