قىزىلوردا وبلىسىندا كارانتين تالاپتارىنا بايلانىستى جاڭا قاۋلى جارييالاندى, دەپ حابارلايدى "ۇلت اقپارات".
وندا قۇربان ايت مەرەكەسٸ كەزٸندە ٶڭٸر تۇرعىندارىنىڭ سانيتارييالىق-ەپيدەميولوگييالىق سالاۋاتتىلىعىن قامتاماسىز ەتۋ جاعدايى ەسكەرٸلگەن.
جاڭا قاۋلىدا مەنشٸك نىسانىنا قاراماستان بارلىق ۇيىمداردا, سونداي-اق جەكە ٷيلەر مەن مەشٸتتە ادام كٶپ جينالاتىن ٸس-شارالاردى ٶتكٸزۋگە تىيىم سالىنعانى كٶرسەتٸلگەن.
مال سويۋدى ۇيىمداستىرۋ جەنە ٶتكٸزۋگە بولمايدى.
«اۆتوكٶلٸكتەر مەن جەكە تۇرعىن ٷيلەردە مال ساتۋعا تىيىم سالىنادى. اتالعان جۇمىستار ۆەتەرينارييالىق قىزمەتتٸڭ رەسمي ۆەتەريانرييالىق-سانيتارييالىق قورىتىندىسىن العان سويۋ پۋنكتەرٸ مەن الاڭداردا ۇيىمداستىرۋعا رۇقسات ەتٸلگەن. ال مال سويۋ تەك ۆەتەرينارييالىق سەرتيفيكاتى بولعان جاعدايدا جابىق رەجيمدە تتاپسىرىسپەن جەتكٸزۋ ٷشٸن كەلۋشٸلەرسٸز جٷرگٸزٸلەدٸ. قۇرباندىق شالۋ ونلاين رەجيمدە ٶتكٸزٸلەدٸ», - دەپ اتاپ كٶرسەتٸلگەن قاۋلىدا.
سونداي-اق, وبلىستىڭ بارلىق اۋماعىنداعى سويۋ پۋنكتەرٸندە كٷشەيتٸلگەن مەملەكەتتٸك ۆەتەرينارييالىق-سانيتارييالىق باقىلاۋ جەنە قاداعالاۋ جٷرگٸزٸلەدٸ. كٷشەيتٸلگەن سانيتارييالىق-دەزينفەكتسييالىق جۇمىس رەجيمٸنٸڭ, ەپيدەميياعا قارسى رەجيم تالاپتارىنىڭ ساقتالۋىنا ەكٸمدٸكتەر جانىنداعى موبيلدٸ توپتار ارقىلى مونيتورينگ جٷرگٸزٸلەدٸ.
