قىتاي كوروناۆيرۋسقا قارسى ۆاكتسينانى جىل اياعىندا شىعارۋدى جوسپارلاپ وتىر, دەپ حابارلايدى سينحۋا اگەنتتٸگٸ.
قىتاي ۇلتتىق فارماتسەۆتيكالىق كورپوراتسيياسى（China National Pharmaceutical Group Corp جاساعان كوروناۆيرۋسقا قارسى ۆاكتسينا كلينيكالىق زەرتتەۋلەردٸڭ ٷشٸنشٸ كەزەڭٸنە ٶتتٸ.
وسى ەلدەگٸ ساراپشىلاردىڭ پايىمداۋىنشا, ۆاكتسينانى تٸركەۋ پروتسەسٸ اياقتالعاننان كەيٸن, 2020 جىلدىڭ جەلتوقسان ايىندا ٶندٸرٸسكە شىعارىلادى دەپ كٷتٸلۋدە.
قىتاي ۇلتتىق فارماتسەۆتيكالىق كورپوراتسيياسىنىڭ قۇرامىنا كٸرەتٸن ەكٸ عىلىمي-زەرتتەۋ ينستيتۋتى (بەيجٸڭ مەن ۋحاندا ورنالاسقان) بٸر مەزگٸلدە كوروناۆيرۋسقا قارسى ۆاكتسينا بويىنشا عىلىمي-زەرتتەۋ جۇمىستارىن جٷرگٸزگەنٸن اتاپ ٶتكەن جٶن. ۆاكتسينالار ٶندٸرٸسٸن دە وسى ەكٸ ينستيتۋت جٷزەگە اسىرادى.
بەيجٸڭدەگٸ عىلىمي-زەرتتەۋ ينستيتۋتى جىلىنا 120 ميلليون ۆاكتسينا شىعارا الادى, ال ۋحانداعى ينستيتۋتى جىلىنا 100 ميلليون ۆاكتسينا شىعارۋعا قاۋقارلى.
قىتايلىق ماماندار ۆاكتسينانىڭ باعاسى 1000 يۋاننان（شامامەن 60 000 تەڭگە) اسپايدى دەپ وتىر.
