قىرعىزستاننىڭ ارنايى قىزمەتٸندەگٸلەر شەكارا ماڭىنداعى اۋماقتاردا تەراكت جاساماقشى بولعان حالىقارالىق تەرروريستٸك ۇيىمنىڭ مٷشەلەرٸن ۇستادى, - دەپ حابارلايدى Zanoza.kg باسىلىمى قىرعىزستاننىڭ ۇقك باسپاسٶز قىزمەتٸنە سٸلتەمە جاساپ.
"تەرروريزمگە قارسى جٷرگٸزٸلگەن شارالار بارىسىندا قىرعىزستان ازاماتتارىنان تۇراتىن حالىقارالىق تەرروريستٸك ۇيىمنىڭ ەرەكەتٸنە توسقاۋىل قويىلدى. حالىقارالىق تەرروريستٸك ۇيىم مٷشەلەرٸنٸڭ قوعامدىق-ساياسي جاعدايدى تۇراقسىزداندارىرۋ ماقساتىندا جارىلعىش زاتتار مەن قارۋلار ارقىلى شەكارا ماڭىنداعى اۋماقتاردا تەررريستٸك اكتٸلەر ۇيىمداستىرماقشى بولعانى انىقتالدى", - دەلٸنگەن حابارلامادا.
وسى دەرەك بويىنشا تەرگەۋ ورگاندارى "تەرروريستٸك اكتٸگە دايىندالۋ", "تەرروريستٸك ەرەكەتتٸ قارجىلاندىرۋ", "تەرروريستٸك ۇيىم قۇرۋ", "وق-قارۋلار مەن جارىلعىش زاتتارى زاڭسىز يەلەنۋ, ونى ساقتاۋ" باپتارى بويىنشا قىلمىستىق ٸس قوزعادى.
ۇستالعاندار قىرعىزستاننىڭ ۇقك ۋاقىتشا تەرگەۋ يزولياتورىنا قامالدى. تەرگەۋ جٷرٸپ جاتىر.
