قىرعىزستاندا COVID-19 كوروناۆيرۋسىنا شالدىققان ناۋقاستارمەن 6 775 ادام بايلانىستا بولعان. بۇل تۋرالى قىرعىزستاننىڭ ٷكٸمەت ٷيٸندە بولعان بريفينگٸدە دەنساۋلىق ساقتاۋ مينيسترٸ نۇربولوت ٷسەنباەۆ مەلٸم ەتتٸ, دەپ حابارلايدى كابار اگەنتتٸگٸ.
24 مامىر كٷنٸ ەلدە COVID-19 ۆيرۋسىن جۇقتىرۋعا قاتىستى 38 وقيعا تٸركەلٸپ, ٸندەت جۇقتىرعاندار سانى - 1 403 بولدى. 980 ازامات ٸندەتتەن جازىلىپ, اۋرۋحانادان شىققان. ون تٶرت ادام قايتىس بولدى.
تەۋلٸك ٸشٸندە كوروناۆيرۋستى تاعى ەكٸ مەديتسينالىق قىزمەتكەر جۇقتىرعان.
مينيستر مەديتسينالىق قىزمەتكەرلەر اراسىندا COVID-19 دياگنوزى قويىلعان 275 ادام تٸركەلگەنٸن, سونىڭ ٸشٸندە 230 ادام ستاتسيوناردان جازىلىپ شىققانىن اتاپ ٶتتٸ.
