يتالييانىڭ ريم قالاسىندا «ماتتەو پەلليكونە» رەيتينگٸلٸك تۋرنيرٸنٸڭ العاشقى جارىس كٷنٸ اياقتالىپ, قازاقستان قورجىنى بٸرنەشە مەدالمەن تولىقتى, دەپ حابارلايدى Olympic.kz سايتى.
اتاپ ايتار بولساق, 55 كەلٸدەگٸ حورلان جاقانشا تۋرنيردٸڭ كٷمٸس جٷلدەگەرٸ اتاندى. فينالدا حورلان رەسەيلٸك ۆيكتور ۆەدەرنيكوۆكە 1:11 ەسەبٸمەن جول بەردٸ.
60 كەلٸدەگٸ جانسەرٸك سەرسەنبيەۆ كٸشٸ فينالدا امەريكالىق سپورتشىنى جەڭٸپ, ٷزدٸك ٷشتٸككە ەندٸ.
63 كەلٸدە قازاقستاندىق بالۋاندار سۇلتان ەسەتۇلى مەن ايدوس سۇلتانعالي كٷرەسۋٸ تيٸس بولعان. الايدا, سۇلتان جاسى ٷلكەن كوماندالاس اعاسى ايدوسقا ٶز جولىن بەرٸپ, بەلدەسۋدەن باس تارتتى. وسىلايشا, ايدوس سۇلتانعالي تۋرنير جەڭٸمپازى, ال سۇلتان ەسەتۇلى كٷمٸس مەدال يەگەرٸ اتاندى.
67 كەلٸدە المات كەبٸسپاەۆ قولاعا قول سوزدى. ول ٷشٸنشٸ ورىن ٷشٸن كٷرەستە تٷركييالىق بالۋاندى ۇتتى. وسى سالماقتىڭ فينالىندا سىنعا تٷسكەن مەيٸرجان شەرماحانبەت ۆەنگرييالىق مەت كراسزنايدى 12:2 ەسەبٸمەن جەڭٸپ, ەل قورجىنىنا التىن مەدال سالدى.
سونداي-اق, 97 كەلٸدەگٸ ولجاس سىرلىباي چەحييالىق بالۋاندى 9:0 ەسەبٸمەن ۇتىپ, تۋرنيردٸڭ قولا جٷلدەسٸن يەلەندٸ.
وسىلايشا, العاشقى جارىس كٷنٸندە گرەك-ريم كٷرەسٸنەن قازاقستان كومانداسى ەكٸ التىن, ەكٸ كٷمٸس جەنە ٷش قولا مەدال جەڭٸپ الدى.
