كارانتين رەجيمٸ بۇزىلسا, كوروناۆيرۋسقا شالدىققانداردىڭ سانى كٷرت كٶبەيٸپ كەتۋٸ مٷمكٸن. بۇل تۋرالى قر پرەزيدەنتٸ قاسىم-جومارت توقاەۆتىڭ مەلٸمدەمەسٸندە اتالىپ ٶتتٸ, دەپ حابارلايدى "ۇلت اقپارات".
«حالقىمىزدا «تٶزٸم تٸلەككە جەتكٸزەدٸ» دەگەن ماقال بار. سوندىقتان سابىر ساقتايىق. كٷننٸڭ جىلىنۋى مەن كارانتيننەن شارشاعاندىق جاۋاپسىزدىققا سەبەپ بولماۋعا تيٸس. كارانتين رەجيمٸ بۇزىلسا, كوروناۆيرۋسقا شالدىققانداردىڭ سانى كٷرت كٶبەيٸپ كەتۋٸ مٷمكٸن. ەسٸرەسە, سوزىلمالى اۋرۋى بار جەنە ەگدە ادامدار ەرەكشە ساق بولۋى كەرەك. تٸپتٸ, كٸشكەنتاي بالالار دا اۋرۋ جۇقتىرۋى مٷمكٸن ەكەنٸن بايقادىق. سوندىقتان ولاردىڭ دەنساۋلىعىنا بەي-جاي قاراۋعا بولمايدى», - دەدٸ مەملەكەت باسشىسى.
وسى ورايدا پرەزيدەنت ەزٸرگە بۇل ۆيرۋستىڭ ۆاكتسيناسى جوق ەكەنٸن ەسكە سالدى.
«كارانتين شارالارىن قاتاڭ ۇستانساق قانا ٸندەتتەن قۇتىلامىز. اسا قاجەتتٸلٸك بولماسا, ەشقايدا شىقپاي, ٷيدە وتىرىڭىزدار. بۇل, ەسٸرەسە, قازٸرگٸ قاسيەتتٸ رامازان ايىندا ٶتە ماڭىزدى. وسى كەزەڭنٸڭ دە اسىل مۇراتى – شىدام مەن تٶزٸم, سابىر مەن قاناعات ەكەنٸن بٸلەسٸزدەر. بيىل قازاقستان مۇسىلماندارى دٸني باسقارماسى ورازادا بٸرقاتار رەسٸمنەن تارتىنۋدى ۇسىندى. سوندىقتان وسىنداي ۋاقىتتا اۋىزاشاردىڭ ٶزٸن كٶپشٸلٸكپەن بٸرگە ٶتكٸزە المايتىنىمىز بەلگٸلٸ», - دەدٸ قاسىم-جومارت توقاەۆ.
